नेपाल आमा भन्छिन् (शनिबासरीय विशेष कविता)


आगो छैन कतै धुवाँ छ फिजिंदो पोल्दैछ आँखाहरू
जोगाऔं कसरी छ चिन्तन सधैं स्वाधीन यो आबरु
न्यानो पूर्ण प्रकाशका किरणमा निश्चिन्त बस्ने जन
देऊ वीर्य मलाई कान्तपनको सन्तान हुन् सज्जन ।


आस्थामा धमिरा पसे सलहझैं भो ऐक्यता खण्डित
सुक्यो बाबरी पारिजात दुइटै भेटिन्न कान्तास्मित
आफ्नै आर्जनले सहर्ष जिउने हे कर्मले नूतन
देऊ वीर्य मलाई हीनबिषयी सन्तान हुन् सज्जन ।


ऐजेरू लटरम्म स्वार्थपनको मौलाउने मानव
ऐसेलु किन खोज्दथे वन डुली टोप्रा समेटी सब
पीडाको पहिरो घसक्क नझरे यै बन्दथ्यो नन्दन
देऊ वीर्य मलाई प्रात अघिको सन्तान हुन् सज्जन ।


ज्योत्स्नापूर्ण धरा धपक्क नबले हट्दैन कालो तम
बाँझोमा किन फल्दथे श्रमविना अन्नादी ती उत्तम
बल्दो चेतनदीप बल्छ जहिल्यै आलोक आलोडन
देऊ वीर्य मलाई बुध्दपनको सन्तान हुन् सज्जन ।


मोती फल्छ यहीँ फलाउन सके रोकिन्न रे जाँगर
साँच्चै बन्दछ गर्वले शिर उचो बन्दैन जो पामर
कोटी रोग र भोक, शोक तुहिने सङ्कल्प गर्ने मन
देऊ वीर्य मलाई स्वच्छ सुकिलो सन्तान हुन् सज्जन।

कवि: मुक्तिनाथ घिमिरे

Please send us your feedback or any articles if your passion is in writing and you want to publish your ideas/thoughts/stories . Our email address is sendyourarticle@samayasamachar.com. If we find your articles publishable, we will publish them. It can be any opinionated articles, or stories, or poems, or book reviews.
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com

तपाईको प्रतिक्रिया दिनुहोस

सुन चाँदी दर अपडेट

© Gold & Silver Rates Nepal
विदेशी विनिमय दर अपडेट

© Forex Nepal
प्रीतिबाट युनिकोड

© Preeti to Unicode
रोमनाइज्ड नेपाली

© Nepali Unicode
आजको राशिफल

© Nepali horoscope