सोमपाल, करण र कुशल टी-१० लिगमा अनुबन्धित, तीन खेलाडी फरक-फरक टिममा समावेश


काठमाडौं । नेपाली राष्ट्रिय क्रिकेट टिमका तीन खेलाडी फास्ट बलरद्वय करण केसी र सोमपाल कामी तथा युवा खेलाडी कुशल मल्ल टी-१० लिगमा अनुबन्धित भएका छन् ।

सोमपाललाई मराठा अरेबियन्सले अनुबन्ध गरेको हो। सोमपालले विदेशी लिग खेल्न लागेको यो दोस्रोपटक हो । गतवर्ष उनले क्यानडाको ग्लोबल टी-२० खेलेका थिए । उनी नेपाली टिमका प्रमुख बलर हुन् ।

अर्का प्रमुख बलर करण केसी पहिलो पटक विदेशी लिगमा अनुबन्धित भएका छन् । उनलाई पुणे डेभिल्सले टिममा समावेश गरेको हो । उनी प्रमुख बलरसँगै तल्लो क्रममा ठुलो सट खेल्ने ब्याट्सम्यान हुन् ।

यस्तै युवा खेलाडी अल राउन्डर कुशल मल्ललाई भने टिम आबुधाबीले अनुबन्धित गरेको छ । कुशल ओडिआईमा अर्धशतक प्रहार गर्ने विश्व क्रिकेट कै सबैभन्दा कम उमेरका खेलाडी हुन् । विश्व किर्तिमानी युवा स्टार कुशल आक्रमक ब्याटिङ गर्ने गर्छन भने स्पीन बलर हुन् ।

यी तीन खेलाडी के कति रकममा अनुबन्धित भए भनेर खुलाइएको छैन । यसरी एकै विदेशी लिगमा तीन खेलाडी ड्राफ्टमा परेको यो पहिलो पटक हो । यसअघि यो लिग पारस खड्का र सन्दीप लामिछानेले खेलिसकेका छन् ।

यो पटक भने पारस खड्का फरक भुमिकामा छन् । उनी टिम आबुधाबीका इमर्जिङ मेन्टरको रूपमा रहनेछन् । टी-१० लिग जनवरी २८ देखि फेब्रुअरी ६ सम्म युएईमा हुनेछ ।


Please send us your feedback or any articles if your passion is in writing and you want to publish your ideas/thoughts/stories . Our email address is sendyourarticle@samayasamachar.com. If we find your articles publishable, we will publish them. It can be any opinionated articles, or stories, or poems, or book reviews.
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com

तपाईको प्रतिक्रिया दिनुहोस

सुन चाँदी दर अपडेट

© Gold & Silver Rates Nepal
विदेशी विनिमय दर अपडेट

© Forex Nepal
प्रीतिबाट युनिकोड

© Preeti to Unicode
रोमनाइज्ड नेपाली

© Nepali Unicode
आजको राशिफल

© Nepali horoscope