संसद विघटन विरुद्ध नागरिक अगुवाहरुले गरे सांकेतिक प्रदर्शन

११ पुष २०७७, शनिबार १५:०६

काठमाडौं । संसद विघटनको कदमलाई प्रतिगमनको संज्ञा दिँदै नागरिक अगुवाहरुले विरुद्ध बृहत नागरिक आन्दोलन सुरु गरेका छन् ।

नागरिक अगुवाहरुले शनिबार काठमाडौंको माइतीघर मण्डलामा सडक नाटकसहित सांकेतिक प्रर्दशन गरेका छन्। आइतबार प्रधानमन्त्री केपी ओलीले प्रतिनिधिसभा विघटन गरेपछि ओलीको कदमलाई प्रतिगमनको संज्ञा दिँदै ओली कदमको चौतर्फी विराध सुरु भएको छ ।

माइतीघरमा भएको प्रदर्शनमा बोल्दै पत्रकार तथा नागरिक अगुवा नारायण वाग्लेले प्रतिनिधिसभा विघटन गर्ने प्रधानमन्त्री ओलीको कदमले गणतन्त्र धरापमा परेको बताए । उनले सर्वोभमसत्रा संसदमा रहेको उल्लेख गर्दै प्रधानमन्त्रीलाई संकट पर्दा संसदबाट समाधान खोज्नु पर्ने बताए । उनले भ्यास्सिनको खोजी गर्ने बेला आन्दोलनमा आउन बाध्य पारिनु गलत भएको बताए ।

नागरिक अगुवा तथा राष्ट्रिय मानव अधिकार आयोगकी पूर्व प्रवक्ता मोहना अन्सारीले संविधानलाई प्रयोग गरेर अगाडी बढ्नु पर्नेमा पछाडी फर्कने प्रयास भएको बताईन् । संबिधानले सबै समस्याको समाधान खोज्ने थलो हुंदाहुंदै त्यस्तो गलोलाई विघटन गरिएको अन्सारीको भनाई छ ।

माइतीघरमा भेला भएका नागरिक अगुवाहरूले प्रतिनिधिसभा विघटन गर्ने निर्णय संघीयता, समावेशितालगायतका उपलब्धिका लागि समेत खतरा बनेको औल्याएका थिए ।

Leave a Reply

This site uses Akismet to reduce spam. Learn how your comment data is processed.