प्रदेश १ का मुख्यमन्त्री शेरधन राई विरुद्ध अविश्वासको प्रस्ताव दर्ता

१२ पुष २०७७, आईतवार ११:३८

विराटनगर । प्रदेश १ का मुख्यमन्त्री शेरधन राई विरुद्ध अविश्वासको प्रस्ताव दर्ता भएको छ ।

अविश्वासको प्रस्तावको प्रस्तावकमा मुख्यमन्त्री राईले शनिबार मात्रै पदमुक्त गरेका निवर्तमान आर्थिक मामिला तथा योजनामन्त्री इन्द्र आङ्बो छन् । यस्तै, समर्थकमा लक्ष्मण तिवारी रहेका छन् ।

३६ जना सदस्यहरुको हस्ताक्षरसहित अविश्वासको प्रस्ताव दर्ता भएको हो । केही सांसदले हस्ताक्षर गर्न बाँकी रहेको प्रचण्ड–नेपाली पक्षीय नेताहरुले बताएका छन् ।

नेकपाको केन्द्रमा विभाजन आएपछि त्यसको प्रभाव प्रदेशमा देखिएको हो । केपी ओली पक्षीय मुख्यमन्त्री विरुद्ध प्रचण्ड–नेपाल पक्षका सांसदहरुले अविश्वासको प्रस्ताव दर्ता गरेका हुन् ।

प्रदेश १ मा ९३ जना सांसद छन् । तीमध्ये नेकपाका ६७ सांसद रहेकोमा मुख्यमन्त्री राईको पक्षमा २० जनामात्रै सांसद रहेका छन् ।

यसअघि बागमती प्रदेशका मुख्यमन्त्री डोरमणि पौडेल विरुद्ध पनि अविश्वासको प्रस्ताव दर्ता भैसकेको छ ।

Leave a Reply

This site uses Akismet to reduce spam. Learn how your comment data is processed.