नेकपा दाहाल–नेपाल समूहको स्थायी कमिटी बैठक बस्दै

१५ पुष २०७७, बुधबार ०९:२९

काठमाडौं, पुस १५ । मंगलबार राजधानीको भृकुटी मन्डपमा प्रदर्शन गरेको नेकपाको दाहाल–नेपाल खेमाको बुधबार (आज) स्थायी किमिटी बस्दै छ ।

मंगलबार जनप्रदर्शन गरेको समूहले बुधबार (आज) पनि संघर्षका कार्यक्रममालाई निरन्तरता दिने जनाएको छ । समूहले बिहान ११ बजे अखिल नेपाल महिला संघको वृहत भेला गर्दैछ । केन्द्रीय कार्यालय पेरिसडाँडामा हुने भेलालाई पार्टीका शीर्ष नेताहरुले सम्बोधन गर्ने तालिका रहेको उच्च स्रोतले जनाएको छ ।

त्यसैगरी १२ बजे उपत्यकतामा उपलब्ध स्थायी कमिटीका सदस्यहरूको छलफल हुँदैछ । पेरिसडाँडामा चल्ने छलफलले भावी आन्दोलनका कार्यक्रम सार्वजनिक गरिने नेता योगेश भट्टराईले जानकारी दिए ।

मंगलबार दाहाल–नेपाल समूहको नेकपाले देशभर प्रदर्शन गरेको थियो । राजधानीमा भएको प्रदर्शनलाई पार्टीका शिर्ष नेताहरूले सम्बोधन गरेका थिए । नेताहरूले प्रधानमन्त्री केपी ओलीको खुलेर आलोचना गर्दै प्रतिनिधि सभा विघटनलाई उल्ट्याउने बताएका थिए ।

Leave a Reply

This site uses Akismet to reduce spam. Learn how your comment data is processed.