‘कमेडी च्याम्पियन’ सिजन-२ सुरु


काठमाडौं । नेपालको पहिलो स्ट्यान्ड अप कमेडी रियालिटी शो ‘कमेडी च्याम्पियन’ सिजन-२ को फिजिकल अडिसन सुरु भएको छ । बुधबारबाट काठमाडौंमा फिजिकल अडिसन सुरु भएको हो ।

डिजिटल अडिसनमा आएका भिडियो कन्टेन्टबाट उत्कृष्ठ १८० फिजिकल अडिसनमा सहभागी हुँदैछन् । पहिलो दिन बुधबार ४५ जनाले अडिसन दिएका छन् ।  निर्देशक विशाल भण्डारीका अनुसार यही दरमा दैनिक फिजिकल अडिसन लिइने छ ।

भदौ १५ गतेबाट सुरु भएको डिजिटल अडिसन असोज ३० सम्म लिइएको थियो । १८० बाट २४ जना छनोट हुने र फेब्रुअरीको पहिलो साताबाट टेलिभिजनमा प्रशारण सुरु हुनेछ । उत्कृष्ट १५ जनाबाट भोटिङ सुरु हुने निर्देशक भण्डारीले जानकारी दिए ।

“हासौं र हसाऔं भन्ने उद्देश्यले कोरोनाको त्रासबीच कार्यक्रम सुरु गरेका छौं । यो वर्ष गतवर्षको तुलनामा दोब्बरभन्दा धेरै सहभागिता छ,” निर्देशक भण्डारी भन्छन् “प्राप्त भिडियो मध्ये करिब ४० प्रतिशत कन्टेन्ट हसाउँने आएको छ । यो अनपेक्षित हो ।

कारण गाउने जस्तो हसाउँने प्रतिभा घरघरमा हुँदैन । हसाउने प्रतिभा गाउँमा टोलमा एकजना हुने हो ।” डिजिटल अडिसनमा ६ हजारभन्दा धेरै भिडियाे प्नाप्त भएकाे निर्देशक भण्डारी बताउँछन् । विजेताले कार र २५ लाख नगद पुरस्कार प्राप्त गर्नेछन् ।

दोस्रो सिजनमा पनि निर्णायक सिजन-१ कै सन्तोष पन्त, मनोज गजुरेल, प्रदीप भट्टराई र ऋचा शर्मा छन् । सो रीमा विश्वकर्माले होस्ट गर्दैछिन् ।

यो पटक मूल्यांकन फम्र्याट केही परिवर्तन गरिएको छ । सेट परिमार्जित र भब्य छ । भण्डारी भन्छन्, “गत वर्षभन्दा सेटमा मात्रै १५–२० लाख बढी खर्च भएको छ । कन्टेन्टमा पहिलो सिजनभन्दा चार गुणा बढी जनशक्ति थप गरिएको छ ।” ‘कमेडी च्याम्पियन’ सिजन-१ मा हिमेश पन्त विजेता बनेका थिए ।


Please send us your feedback or any articles if your passion is in writing and you want to publish your ideas/thoughts/stories . Our email address is sendyourarticle@samayasamachar.com. If we find your articles publishable, we will publish them. It can be any opinionated articles, or stories, or poems, or book reviews.
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com

तपाईको प्रतिक्रिया दिनुहोस

सुन चाँदी दर अपडेट

© Gold & Silver Rates Nepal
विदेशी विनिमय दर अपडेट

© Forex Nepal
प्रीतिबाट युनिकोड

© Preeti to Unicode
रोमनाइज्ड नेपाली

© Nepali Unicode
आजको राशिफल

© Nepali horoscope