बामदेव गौतम राष्ट्रिय सभा जानुभन्दा अगाडि प्रचण्डलाइ भेटन खुमलटार पुगे

१७ पुष २०७७, शुक्रबार १६:१०

काठमाडौं । सत्तारुढ नेपाल कम्युनिष्ट पार्टी (नेकपा)मा राजनीतिक विभाजन भएपछि तटस्थ रहँदै आएका नेता बामदेव गौतम राष्ट्रिय सभामा पहिलो पटक सहभागी हुनुअगाडि खुमलटार पुगेर नेकपा प्रचण्ड-नेपाल पक्षका अध्यक्ष पुष्पकमल दाहाल प्रचण्डसँग भेट गरेका छन् ।

बिहानै खुमलटार पुगेका नेता गौतम १० बजे अगाडिनै त्यहाँबाट निस्केका थिए । आजको भेटमा पार्टीमा राजनीतिक विभाजनपछिको अवस्था, अबको विकल्प र संसदको विषयमा छलफल भएको प्रचण्डका प्रेस संयोजक विष्णु सापकोटाले जानकारी दिए ।

राजनीतिक विभाजनअघि पार्टीको उपाध्यक्ष रहेका गौतम अहिले नेकपाको प्रधानमन्त्री केपी शर्मा अ‍ोली समूह तथा प्रचण्ड-माधव समूह दुबैमा लागेका छैनन् ।

पार्टी एकताको ५ वर्षसम्म फुट्न नसक्ने कानुनी व्यवस्थाको वकालत गरिहेका नेता गौतम आज पहिलोपटक राष्ट्रिय सभाको बैठकमा सहभागी हुँदैछन् ।

Leave a Reply

This site uses Akismet to reduce spam. Learn how your comment data is processed.