राष्ट्रिय सभाको अधिवेशन राति १२ बजेबाट अन्त्य गर्न राष्ट्रपतिलाई सरकारको सिफारिस

२६ पुष २०७७, आईतवार १४:४०

काठमाडौं । सरकारले राष्ट्रिय सभाको हिउँदे अधिवेशन आजबाट अन्त्य गर्न लागेको छ ।

प्रधानमन्त्री केपी शर्मा ओलीले मन्त्रिपरिषदको बैठक बसालेर राष्ट्रिय सभाको अधिवेशन अन्त्य गर्ने निर्णय गरेका छन् ।
अधिवेशन आइतबार राति १२ बजेबाट अन्त्य गर्न राष्ट्रपतिलाई सिफारिस गर्ने मन्त्रिपरिषदले निर्णय गरेको छ ।

दुई वटा अधिवेशनबीचको अन्तर ६ महिनाभन्दा बढी हुन नहुने संवैधानिक बाध्यताका कारण सरकारले राष्ट्रिय सभाको अधिवेशन यही पुष १७ गते आह्वान गरेको थियो ।

तर पहिलो दिनदेखि नै प्रतिनिधिसभा विघटनसम्बन्धी विषयलाई प्रतिपक्षी दलहरुले कडा रुपमा उठाएपछि सभाको दोस्रो बैठकदेखि नै अधिवेशन अन्त्यको प्रयास भएको थियो ।

Leave a Reply

This site uses Akismet to reduce spam. Learn how your comment data is processed.