काठमाडौं । प्रधानमन्त्री केपी शर्मा ओलीले भारतीय च्यानलमा अन्तवार्ता दिएसँगै सो अन्तरवार्तालाई लिएर नेपालमा क्रिया र प्रतिक्रिया आउन थालेको छ ।
ओली समर्थक बुद्धिजिवीहरुले ओलीको अन्तरवार्तालाई महाराष्ट्रबादी, साहसी, स्पष्ट वक्ता, निडर ईत्यादी उपमा दिएर प्रशंसा गरेका छन् भने ओली ईतरका बुद्धिजिवी, राजनीतिज्ञ तथा विश्लेषकहरुले नक्कली राष्ट्रवादी, नेपाली मिडीयाले नपत्याएपछि भारतीय मिडियाको प्रयोग, पैसा तिरेर मिडीया बोलाईयो जस्ता आरोप लगाएका छन् ।
प्रधानमन्त्री ओलीको अन्तरवार्ता प्रशारण भएसँगै पूर्व प्रधानमन्त्री एवं राजपा नेता डा. बाबुराम भट्टराईले प्रधानमन्त्री केपी शर्मा ओलीको प्रतिगमनलाई मत्थर गर्न देशी विदेशी शक्ति केन्द्रहरुले महान् राष्ट्रवादी भन्ने खालका ‘पगरी’ गुथाएर देशलाई प्रतिगमनलाई संस्थागत गर्न खोजेको आरोप लगाएका छन् ।
आइतबार बिहान सामाजिक सञ्जाल ट्विटरमार्फत डा. भट्टराईले गरेको ट्वीट यस्तो छ ‘ओली प्रतिगमनलाई मत्थर गर्न,विषयान्तर गर्न र अन्ततः स्थापित गर्न २०१७ सालपछि महेन्द्रलाई झैं महान् राष्ट्रवादी, हक्की,साहसी,कसैसंग नझुक्ने आदि इत्यादि प्रायोजित पगरी भित्रीरबाहिरी शक्तिहरूबाट गुथाइनेछ। नेपाली जनता र देशलाई उही निरंकुशता र अल्पविकासरपरनिर्भरतामा फसाइनेछ! चेतना भया !’https://platform.twitter.com/embed/index.html?dnt=true&embedId=twitter-widget-0&frame=false&hideCard=false&hideThread=false&id=1348819653464784898&lang=en&origin=https%3A%2F%2Fwww.khabarkura.com%2F%3Fp%3D37599&theme=light&widgetsVersion=ed20a2b%3A1601588405575&width=500px
प्रधानमन्त्री ओलीले भारतीय टेलिभिजन जी न्युजलाई दिएको अन्तर्वार्तामा लिएर उनको राष्ट्रवादको चर्चा भइरहेका बेला डा. भट्टराईले यस्तो प्रतिक्रिया दिएका हुन्।
नागरिक अगुवा तथा पूर्व मन्त्री डा. देवेन्द्रराज पाण्डेले पनि प्रधानमन्त्री ओलीको अन्तरवार्तालाई ब्यंग गर्दै राजा महेन्द्रसँग तुलना गरेका छन् । उनी लेख्छन्, राजा महेन्द्र भारतसँगको सम्वन्धमा बराबर खरो राष्ट्रवादी देखिन्थे। कहिलेकाहिं सो अनुरूप राम्रो निर्णय पनि गर्थे। जस्तै, भारतीय चेकपोष्ट नेपाली भूमिबाट हटाए। तर जागिरकालमा नै सुनेको कुराः तेस्तो कार्यको लगत्तै ‘My Dear India’ भनेर पत्र लेख्न पनि सक्थे। ठिक बेठिक आ-आफ्नो मूल्याँकन।https://platform.twitter.com/embed/index.html?dnt=true&embedId=twitter-widget-1&frame=false&hideCard=false&hideThread=false&id=1348888835682234374&lang=en&origin=https%3A%2F%2Fwww.khabarkura.com%2F%3Fp%3D37599&theme=light&widgetsVersion=ed20a2b%3A1601588405575&width=500px
Please send us your feedback or any articles if your passion is in writing and want to publish your ideas/thoughts/stories . Our email address is sendyourarticle@samayasamachar.com. If we find your articles publishable, we will publish them. It can be any opinionated articles, or stories, or poems, or book reviews.
हामीलाई तपाईहरुको सल्लाह र सुझाब दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौ। यहाँहरुका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरु हामी छाप्ने छौ । सम्पर्क इमेल : sendyourarticle@samayasamachar.com