शेरबहादुरको ढुलमुले चरित्रले कांग्रेसको भूमिका कमजोर: शेखर कोइराला

३ माघ २०७७, शनिबार १४:५९

विराटनगर । नेपाली कांग्रेसका सभापति शेरबहादुर देउवाको ढुलमुले चरित्रका कारण कांग्रेसले ‘प्रतिगमनको विरोध’ मा सशक्त भूमिका खेल्न नसकेको कांग्रेस नेता डा शेखर कोइरालालेआरोप लगाएका छन् ।

उनले केपी शर्मा ओलीको कदमविरुद्ध नेपाली कांग्रेस  एक ढिक्का भएर सशक्तरुपमा आन्दोलनमा जानुपर्ने बताएका छन् ।

शनिबार विराटनगरमा आयोजित मानव अधिकार तथा शान्ति समाज मोरङको साधारण सभामा बोल्दै नेता कोइरालाले भने– सभापति शेरबहादुरकै कारण कांग्रेसले प्रतिगमन हुन नदिन र भैसकेपछि विरोधमा सशक्त भूमिका खेल्न सकेको छैन।

मुख्य प्रतिपक्षी दल भएर कांग्रेसले पनि खेल्नुपर्ने जति भूमिका सशक्त्त ढंगले निभाउन नसक्दा संघीयता र गणतन्त्र खतरामा पर्ने सम्भावना बढेको कोइरालाले बताए ।

प्रचण्ड र माधवसँग बदला लिन र वैशाखमा चुनाव गराउन यो प्रतिगमन नभएको भन्दै नेता कोइरालाले संसद विघटन गर्नुको पछाडि गहिरो षड्यन्त्र रहेको दावी गरे ।

डा कोइरालाले अब काँग्रेसले अदालतको फैसलालाई नपर्खी प्रष्ट भएर आन्दोलनमा जानुपर्ने बताए । कांग्रेस सभापति देउवाले अदालतको बहाना बनाउँदै प्रतिगमनविरुद्ध नोबोल्न पार्टीमा रुलिङ गरेको समेत बताए ।

Leave a Reply

This site uses Akismet to reduce spam. Learn how your comment data is processed.