काठमाडौं । नेपाल पत्रकार महासंघले संचारमाध्यमको नामै किटेर सर्वोच्च अदालतबाट जारी भएको विज्ञप्तिले प्रेस स्वतन्त्रतामाथि हस्तक्षेप गरेको ठहर गरेको छ ।

सिन्धुपाल्चोकको हेलम्बुमा बसेको महासंघको केन्द्रीय समितिको पूर्ण बैठकले समाचार प्रकाशित भएको विषयमा सर्वोच्च अदालतले निकालेको विज्ञप्तिले प्रेस स्वतन्त्रतामाथि हस्तक्षेप भएको ठहर गरेको हो ।

महासंघले स्वतन्त्र प्रेसलाई धम्क्याउने काम जहाँबाट भएपनि बन्द गर्न आग्रह गरेको छ ।

शुक्रबार सर्वोच्च अदालतले न्यायाधीसहरुले प्रधानमन्त्रीसँग भेट गरेको भन्ने समाचार कपोलकल्पित भएको भन्दै त्यस्ता समाचार प्रकाशित गर्ने संचारमाध्यमलाई कानूनी कारवाही गर्ने चेतावनी दिएको थियो ।

यसअघि प्रेस संगठन नेपालले पनि सर्वोच्चको विज्ञप्तिप्रति आपत्ति जनाउँदै प्रेसलाई नधम्क्याउन चेतावनी दिएको थियो ।

Leave a Reply

This site uses Akismet to reduce spam. Learn how your comment data is processed.