बृहत नागरिक आन्दोलनका प्रदर्शनकारीमाथि प्रहरीद्वारा लाठी र पानीको फोहोराको वर्षा

१२ माघ २०७७, सोमबार १५:२५

काठमाडौं । बृहत नागरिक आन्दोलनको प्रदर्शनमाथि प्रहरीले हस्तक्षेप गरेको छ ।

कमलपोखरीको माटो निधारमा लगाएर बालुवाटार पुगेका नागरिक आन्दोलनकारीमाथि प्रहरीले पानीको फोहोरा र लाठिचार्ज गर्दै हस्तक्षेप गरेको हो ।

आन्दोलनकारी भाटभटेनी चोकबाट अघि बढेपछि प्रहरीले हस्तक्षेप सुरु गरेको थियो । प्रहरी हस्तक्षेपका क्रममा पत्रकार नारायण वाग्लेसहितका आन्दोलनकारी नागरिक अगुवा घाइते भएका छन् ।

घाइते पत्रकार वाग्लेले बालुवाटारबाटै तेस्रो जनआन्दोलनको सुरुवात भएको बताएका छन् । सरकारले नागरिकको आवाज दबाउन बर्बर दमन गरेको आरोप लगाउँदै वाग्लेले अब तेस्रो जनआन्दोलनले सरकारलाई बढार्ने चेतावनी दिए ।

प्रधानमन्त्री ओलीले प्रतिनिधिसभा विघटन गरेको विरोधमा नागरिक अगुवा, कवि, कलाकार, लेखक लगायतका अभियन्ताहरु आज सोमबारको प्रदर्शनमा सहभागी थिए।

Leave a Reply

This site uses Akismet to reduce spam. Learn how your comment data is processed.