प्रधानमन्त्री कप क्रिकेट : आर्मीसँग एपीएफ र पुलिससँग प्रदेश दुई भिड्दै

१२ माघ २०७७, सोमबार ०९:१९

काठमाडौं । प्रधानमन्त्री कप पुरुष एक दिवसीय क्रिकेटमा आज पनि दुई खेल हुँदैछन् । कीर्तिपुरस्थित त्रिवि खेल मैदानमा समूह चरणको अन्तिम खेलमा विभागीय टिम त्रिभुवन आर्मी र एपीएफ भिडदैछन् ।

समूह ‘ए’ मा रहेका आर्मी र एपीएफले अहिलेसम्म तीन खेल खेलेकोमा जित निकालेका छन् । अन्तिम चारमा पुगिसकेकाले यस खेलले समूह विजेता र उपविजेता तय हुनेछ ।

हार्ने टोलीले वाग्मतीसँग फाइनल पुग्न प्रतिस्पर्धा गर्नेछ । मुलपानी मैदानमा आजै नेपाल पुलिस क्लब र प्रदेश दुईविच प्रतिस्पर्धा हुँदैछ । समूहमा ‘बी’ मा रहेको पुलिसले तीन खेल खेलेकामा दुई खेल जितेको छ भने एकमा हार व्यहोरेको छ ।

तीन खेलमा हार ब्यहोरिसकेको प्रदेश दुई प्रतियोगितावाट बाहिरिइसकेको छ । पुलिसले प्रदेश दुईलाई हराएमा लुम्बिनीलाई उछिनेर समूह ‘बी’ को उपविजेता बन्दै सेमिफाइनलमा पुग्नेछ । पुलिस पराजित भएमा लुम्बिनी सेमिफाइनलमा प्रवेश गर्नेछ ।

Leave a Reply

This site uses Akismet to reduce spam. Learn how your comment data is processed.