माधव नेपाल भेट्न अमेरिकी राजदुत बेरी कोटेश्वर पुगे

१४ माघ २०७७, बुधबार ११:१७

काठमाडौं । नेपालमा प्रतिनिधिसभा विघटनको विरुद्धको आन्दोलन चर्कंदै गएका बेला अमेरिकी राजदुत -यान्डी मेरीले दलका नेताहरुसँगको भेटघाटलाई तिब्र पारेका छन् ।

आईतबार देखि भेटघाटमा ब्यस्त भएका राजदुत आज बिहानै नेकपाको प्रचण्ड-नेपाल पक्षका अध्यक्ष माधव कुमार नेपाललाई भेटन् उनकै निवास कोटेश्वर पुगेका छन् ।

नेकपाका केन्द्रीय सदस्य तथा विदेश विभाग प्रमुख विष्णु रिजालले राजदूत बेरी नेता नेपाललाई भेट्न कोटेश्वरस्थित नेता नेपालको निवासमा पुगेको पुष्टि गरे ।

बिहान ९ बजे देखि भेटवार्ता सुरु भएपनि भेटवार्ताको विषयवस्तु खुलिनसकेको रिजालले बताए ।

प्रतिनिधि सभा विघटनविरुद्ध आन्दोलन चलिरहेका बेला अमेरिकी राजदूत बेरी आन्दोलनरत पक्षकै नेता भेट्न पुगेका हुन्।

उता अमेरिकामा पनि भर्खरै जो बाइडेनले राष्ट्रपति पद सम्हालेका छन् । नेपा स्थित अमेरिकी राजदुतावासले भने अमेरिकामा हालै निर्वाचित राष्ट्रपति बाइडेन प्रशासनको नयाँ नीतिका बिषयमा भेटघाट भैको जनाएको छ । नयाँ राष्ट्रपतीय प्रशासन आएपछिको उक्त प्रशासनको विश्वव्यापी प्राथमिकताहरूको बारेमा छलफल गर्न नेपाली सरकारी तथा राजनीतिक नेतृत्वहरूसँग भेटघाट भएको राजदुतावासले जनाएको छ । नेताहरुसँगको भेटका क्रममा राजदूत बेरीले लोकतन्त्रहरूको सबलीकरण, जलवायु परिवर्तन तथा महिला अनि बालिकाहरूको अधिकारको प्रवर्द्धन लगायत अमेरिकी सरकारका प्राथमिकताका प्रतिवद्धताहरू पुनः दोहोर्याईएको राजदुतावासले जनाएको छ ।

यसअघि अमेरिकी राजदूत बेरीले राष्ट्रपति विद्यादेवी भण्डारी, प्रधानमन्त्री केपी शर्मा ओली, नेकपा अध्यक्ष प्रचण्ड र नेपाली कांग्रेसका सभापति शेरबहादुर देउवासँग भेटवार्ता गरिसकेका छन्।

Leave a Reply

This site uses Akismet to reduce spam. Learn how your comment data is processed.