अदालतको अवहेलनाको मुद्दा आज एउटै इजलासबाट सुनुवाइ हुने

१५ माघ २०७७, बिहीबार ११:५६

काठमाडौं । अदालतको अवहेलना गरेको भन्दै प्रधानमन्त्री, पूर्व प्रधानन्यायाधीशहरु र पूर्वसभामुखविरुद्ध परेका मुद्दाको सुनुवाइ एउटै इजलासबाट हुने भएको छ ।

प्रतिनिधिसभा विघटनको मुद्दालाई प्रभावित बनाउने गरि अभिव्यक्ति दिएको भन्दै परेका छुट्टाछुट्टै रिटको सुनुवाइका लागि आज एउटै इजलास तोकिएको छ। सबै मुद्दाको सुनुवाइ न्यायाधीश मनोजकुमार शर्माको एकल इजलासमा हुनेगरि सर्वोच्चले आज तोकेको पेशीमा उल्लेख गरिएको छ ।

प्रधानमन्त्री केपी शर्मा ओलीविरुद्ध वरिष्ठ अधिवक्ता कुमार शर्मा आचार्य र कञ्चनकृष्ण न्यौपानेले अवहेलना मुद्दा दर्ता गरेका थिए।

यस्तै पूर्वसभामुख दमननाथ ढुंगानाविरुद्ध अधिवक्ता राजाराम घिमिरे र पूर्व प्रधानन्यायाधीहरूविरुद्ध धनजित बस्नेत र लोचन भट्टराईले अवहेलान मुद्दा दायर गरेका हुन्। पूर्व प्रधानन्यायाधीशहरु मीनबहादुर रायमाझी, अनुपराज शर्मा, कल्याण श्रेष्ठ र सुशीला कार्कीविरुद्ध अवहेलाना मुद्दा दर्ता भएको हो।

Leave a Reply

This site uses Akismet to reduce spam. Learn how your comment data is processed.