नेपाल प्रहरीका ४६ जना प्रहरी निरीक्षकहरु नायव प्रहरी उपरीक्षमा बढुवाका लागि सिफारिस
काठमाडौं । नेपाल प्रहरीको प्रहरी उपरीक्षक र नायव प्रहरी उपरीक्षकहरुको बढुवा भएसँगै रिक्त भएको ४६ नायव प्रहरी उपरीक्षक पदमा प्रहरी निरीक्षकहरुको बढुवा गर्न सिफारिस गरिएको छ ।
नेपाल प्रहरीका ४६ जना प्रहरी निरीक्षक, प्रहरी नायव उपरीक्षकमा बढुवाका लागि सिफारिस भएका हुन् । आइतबार बसेको बढुवा समितिले रिक्त रहेको जनपदतर्फको डीएसपीमा बढुवा गर्न सिफारिस गरेको हो।
बढुवा समितिका सदस्य सचिव एआईजी निरजबहादुर शाहीका अनुसार बरियता क्रममा चिरन्जिवि दाहाल पहिलो र रेशम बोहरा दोश्रो नम्बरमा बढुवा भएका छन्। यस्तै भोला कुमार भट्ट, सुरज कार्की क्रमशः तेश्रो र चौथो नम्बरमा बढुवा भएका छन्।
नेपाल प्रहरीको जनपद तर्फ केही नायव प्रहरी उपरीक्षकको अनिवार्य अवकास र केही नायव प्रहरी उपरीक्षकमा बढुवा भएसँगै ४६ नायव प्रहरी उपरीक्षक पद रिक्त भएको थियो।
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com
तपाईको प्रतिक्रिया दिनुहोस