आम हड्ताल सफल बनाउन सडकमा उत्रिए प्रचण्ड
काठमाडौं । प्रचण्ड नेपाल पक्षको नेपाल कमम्युनिष्ट पार्टी नेकपाले आज देशव्यापी आम हड्ताल आह्वान गरेको छ । हड्ताल सफल बनाउन ठूलो संख्यामा नेकपाका नेता कार्यकर्ता सडकमा उत्रिएका छन् । नेता कार्यकर्ता सडकमा उत्रिएका छन् ।
नेकपाले हड्ताल सफल बनाउन शिर्ष नेताहरुलाई नै कमाण्डर तोकेको छ । सातदोवाटो र कोटेश्वर क्षेत्रमा बन्द सफल बनाउन अध्यक्ष पुष्पकमल दाहाल प्रचण्ड सडकम निस्किएका छन् ।
रत्नपार्क, बागबजार क्षेत्रमा पार्टी प्रवक्ता एवं केन्द्रीय संघर्ष समितिका संयोजनक नारायणकाजी श्रेष्ठले बन्दको अगुवाई गरेका छन् ।
काठमाडौंको कलंकीको नेतृत्वकर्ता स्थायी कमिटी सदस्य अष्टलक्ष्मी शाक्य हितमान शाक्य, अमृता थापामगर लगायतका नेताहरु गिरफा्तार भएका छन् ।
हड्तालको क्रममा अप्रिय घटना हुन नदिन ठूलो संख्यामा सुरक्षाकर्मी पनि परिचालन गरिएका छन् ।
बन्दका क्रममा ठाउँठाउँमा प्रहरीसँग झडप भएको छ भने कतिपय ठाउँमा सडकमा गुडिरहेका सवारी साधनमाथि तोडफोड समेत भएको छ । प्रहरीले अहिलेसम्म झण्डै एकसय जना नेकपाका नेता कार्यकर्तालाई गिरफ्तार गरेको छ ।
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com
तपाईको प्रतिक्रिया दिनुहोस