संवैधानिक आयोगमा नियुक्ति र सपथ विरुद्धको रिटमा सर्वोच्चद्वारा कारण देखाउ आदेश

२३ माघ २०७७, शुक्रबार १६:४२

काठमाडौं । संवैधानिक आयोगहरुमा गरिएका विभिन्न नियुक्ति विरुद्ध परेको रिटमाथि सुनुवाई गर्दै सर्वोच्च अदालतले कारण देखाउ आदेश जारी गरेको छ ।

नियुक्ति विरुद्ध वरिष्ठ अधिवक्ता दिनेश त्रिपाठीको रिटमाथि प्रारम्भिक सुनुवाई गर्दै न्यायाधीस कुमार रेग्मीको एकल इजलासले सरकारलाई १५ दिनभित्र कारणसहित लिखित जवाफ पेश गर्न आदेश जारी गरेको हो ।

वरिष्ठ अधिवक्ता त्रिपाठीले यही माघ २० गते सर्वोच्चमा दायर गरेको रिटमा संसदीय सुनुवाइ नगरी गरिएको नियुक्ति गैरसंवैधानिक भएको भन्दै त्यसलाई रोक्न माग गरेका थिए ।

त्रिपाठीको रिटमा राष्ट्रपति, प्रधानमन्त्री, प्रधानन्यायाधीश लगायतलाई विपक्षी बनाइएको छ । तर, संसदीय सुनुवाई विना नै सरकारले संवैधानिक आयोगकका प्रमुख एवं पदाधिकारीलाई नियुक्ति र शपथग्रहण गराइसकेको छ । उनीहरुले आफ्नो कार्यभार सम्हालिसकेका छन् ।

Leave a Reply

This site uses Akismet to reduce spam. Learn how your comment data is processed.