पाँच घण्टापछि रिहा भइन नेकपा नेत्री रामकुमारी झाँक्री

२९ माघ २०७७, बिहीबार १८:५९

काठमाडौं । नेकपा प्रचण्ड-नेपापक्षका केन्द्रीय सदस्य रामकुमारी झाँक्री ४ घण्टा हिरासत बसेर रिहा भएकी छिन् । आज(बिहीबार) दिउँसो १ बजे पक्राउ परेकी झाँक्रीलाई प्रहरीले साँझ रिहा गरेको छ ।

झाँक्री पक्राउको विरोधमा चौतर्फी बिरोध र बिभिन्न स्थानमा प्रदर्शन हुन थालेपछि प्रहरीले उनलाई बिहीबार साँझ रिहा गरेको हो।

गोर्खाको एक आमसभालाई सम्बोधन गर्ने क्रममा राष्ट्रपति विद्यादेवी भण्डारीविरुद्ध गरेको भाषणका केहि वाक्यलाई लिएर झाँक्रीलाई बिहीबार बिहान शंखमुलस्थित उनकै निवासबाट पक्राउ गरिएको थियो। झाँक्रीलाई राज्य विरुद्धको अभियोगमा पुर्जि थमाईएको थियो ।

नेकपा ओली निकट अखिल नेपाल महिला संघले गृहमन्त्री रामबहादुर थापालाई ज्ञापनपत्र बुझाउंदै झाँक्रीलाई कारवाही गर्न दवाव दिएको थियो ।

प्रहरीले झाँक्रीलाई महाशाखाको कार्यालयमै रहेका उनका पति पशुपति पुरीको जिम्मा लगाएर रिहा गरेको हो। उनलाई प्रहरीले साँझ रिहा गरेको हो ।

Leave a Reply

This site uses Akismet to reduce spam. Learn how your comment data is processed.