आजबाट कोरोना भाइरस विरुद्धको दोस्रो चरणको खोप अभियान सुरु हुँदै


काठमाडौं । झण्डै पौने २ लाख अग्रभागमा सेवा दिईरहेका स्वास्थ्यकर्मी, सरसफाई कर्मचारी, एम्बुलेन्स तथा शवबहान चालकहरुले कोरोना भाइरस विरुद्धको खोप लिएर सकिएको पहिलो चरणको अभियानको दोस्रो चरण आज (आइतबार) सुरु हुने भएको छ ।

सरकारले दोस्रो तहको प्राथमिकतामा राखेको स्थानीय तहका कर्मचारी, जनप्रतिनिधि, सबै सरकारी कार्यालयका कर्मचारी, नेपाल प्रहरी, सीमा सुरक्षामा खटिएका सुरक्षाकर्मी, सार्वजनिक संस्थान र बैङ्कका कर्मचारी सहित काठमाडौ बाहिरका पत्रकारहरुलाई आजबाट खोप लगाइने छ।

त्यसैगरी पहिलो चरणमा छुटेका स्वास्थ्यकर्मीलाई पनि कोरोनाविरुद्धको खोप लगाइने मन्त्रालयले जनाएको छ।

काठमाडौं उपत्यकामा वीर अस्पताल, शिक्षण अस्पताल, राष्ट्रिय आयुर्वेद अनुसन्धान तथा तालिम केन्द्र, शुक्रराज अस्पताल, प्रसूति गृह थापाथली, सशस्त्र प्रहरी अस्पताल बलम्बु, वीरेन्द्र सैनिक अस्पताल छाउनी, प्रहरी अस्पताल लाजिम्पाट, गङ्गालाल अस्पताल, नेपाल मेडिकल कलेज अत्तरखेल, काठमाडौँ मेडिकल कलेज सिनामङ्गल र निजामती कर्मचारी अस्पताल नयाँ बानेश्वरबाट खोप सेवा लिन सकिने मन्त्रालयका सहप्रवक्ता डा.समीरकुमार अधिकारीले जानकारी दिएका छन्।

यता लुम्बिनी प्रदेशको मुकाम राजधानी रुपन्देहीमा पनि आजबाट दोस्रो चरणको खोप अभियान थालिने भएको छ । रुपन्देहीको लुम्बिनी प्रादेशिक अस्पताल, आम्दा अस्पताल, भिम अस्पताल तथा युनिभर्सल मेडिकल कलेजबाट दोस्रो प्राथमिकतामा परेका ब्यक्तिहरुलाई आजबाट खोप लगाउने व्यवस्था मिलाईएको छ ।

सरकारले गएको १४ माघदेखि कोरोना विरुद्धको खोप अभियान सुरु गरेको हो। पहिलो चरणको अभियानमा स्वास्थ्यकर्मी, सरसफाइकर्मी, पत्रकार तथा कूटनीतिक नियोगका कर्मचारी र दूतावासका कर्मचारीसहित झण्डै पौने दुई लाखले खोप लगाएका थिए।

सरकारले काठमाडौंमा कार्यरत पत्रकारलाई पहिलो चरणको प्राथमिकतामा राखेपनि काठमाडौ बाहिरका पत्रकारलाई भने दोस्रो प्राथमिकतामा राखेको छ । काठमाडौंमा कार्यरत पत्रकारले पहिलो चरणमा नै खोप लगाएका छन् भने बाहिरका पत्रकारहरुले दोस्रो चरणमा खोप लगाउने छन् ।


Please send us your feedback or any articles if your passion is in writing and you want to publish your ideas/thoughts/stories . Our email address is sendyourarticle@samayasamachar.com. If we find your articles publishable, we will publish them. It can be any opinionated articles, or stories, or poems, or book reviews.
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com

तपाईको प्रतिक्रिया दिनुहोस

सुन चाँदी दर अपडेट

© Gold & Silver Rates Nepal
विदेशी विनिमय दर अपडेट

© Forex Nepal
प्रीतिबाट युनिकोड

© Preeti to Unicode
रोमनाइज्ड नेपाली

© Nepali Unicode
आजको राशिफल

© Nepali horoscope