एभरेष्ट बैंकको सीईओमा सुदेश खालिङ नियुक्त

२२ चैत्र २०७७, आईतवार १८:५८

काठमाडौं । एभरेष्ट बैंक लिमिटेडको प्रमुख कार्यकारी अधिकृत (सीईओ)मा सुदेश खालिङ नियुक्त भएका छन् । बैंकको आइतबार बसेको सञ्चालक समितिको बैठकले उनलाई बैंकको सीईओका रुपमा नियुक्त गरेको हो ।

उनीसँँग यसअघि सिटिजन्स बैंकको सञ्चालक समिति सदस्य, लक्ष्मी बैंक लिमिटेडको सीईओ, स्ट्यान्डर्ड चार्टर्ड बैंक लगायतका बैंक तथा वित्तीय संस्थामा काम गरेको लामो अनुभव छ । उनी सीईओको रुपमा बैंकमा प्रवेश गरेसँगै बैंकले पहिलो पटक नेपाली सीईओ पाएको छ ।

साढे २ दशक बैंक तथा वित्तीय संस्थामा अनुभव हासिल गरिसकेको उनी एक परिचित बैंकरका रुपमा परिचित छन् । उनलाई बैंक तथा वित्तीय संस्थामा सञ्चालन तथा बैंकिङ जोखिममा राम्रो अनुभव र दक्षता भएको बैंकरका रुपमा लिइन्छ ।

Leave a Reply

This site uses Akismet to reduce spam. Learn how your comment data is processed.