चलचित्र निर्देशक समाजको साधारण सभा : हेमबहादुर लामालाई दीर्घकालीन सम्मान प्रदान

२३ चैत्र २०७७, सोमबार १६:३५

काठमाडौँ । निर्देशक, निर्माता हेमबहादुर लामालाई नेपाल चलचित्र निर्देशक समाजले दीर्घकालीन सम्मान प्रदान गरेको छ । समाजको १३ औं साधारण सभामा लामासँगै अन्य निर्देशकलाई पनि सम्मान गरिएको छ ।
शहरी विकास राज्यमन्त्री रामवीर मानन्धरको आतिथ्यमा निर्देशक युवराज लामा, रमेश बुढाथोकी, प्रकाश सायमी र नारायण पूरीलाई सर्जक सम्मान गरियो । त्यस्तै युवा सम्मानमार्फत निर्देशक ऋषि लामिछाने, दीपाश्री निरौला, चलचित्र विकास बोर्डका अध्यक्ष दयाराम दाहाललाई सम्मान प्रदान गरिएको थियो ।


दीर्घकालीन सम्मान पाएका हेमले प्राइभेट सेक्टरबाट फिल्म बन्न थालेपछि ’आदर्श नारी’ निर्देशन गरेका थिए । ’जुनी’, ’कान्छी’ पछि बनेको यस फिल्मले धेरै कलाकार र गायक गायिकालाई त्यो बेला ब्रेक दिएको थियो । कार्यक्रममा समाजले अक्षयकोषको घोषणा गरेको छ ।

Leave a Reply

This site uses Akismet to reduce spam. Learn how your comment data is processed.