काठमाडौं । कैलालीको गेटामा ५० शय्याको आइसोलेसन सेन्टर सञ्चालनमा ल्याइएको छ । निर्माणाधीन गेटा मेडिकल कलेजको भवनमा कोरोनाका संक्रमितको उपचारको लागि सो आइसोलेसन सेन्टर आइबारदेखि सञ्चालनमा ल्याइएको हो ।
जिल्ला कोभिड संकट व्यवस्थापन केन्द्र (डिसििसएमसी) मातहत रहने गरी सुदूरपश्चिम प्रदेश सरकार, धनगढी उपमहानगरपालिका, गोदावरी नगरपालिकाको सहकार्यमा उक्त आइसोलेसन सञ्चालनमा आएको हो ।
हाल ५० शय्याको आइसोलेसन तयारी अवस्थामा रहेको र आवश्यक जनशक्ति, अक्सिजन, उपकरणलगायत तयारी भएको गोदावरी नगरपालिकाका प्रवक्ता शर्मानन्द भट्टले जानकारी दिए।
उनका अनुसार आइसियूमा राखिने प्रकृतिका बिरामीलाई भने सेती प्रादेशिक अस्पतालमा रिफर गरिने छ । १ महिनादेखि निर्माणको प्रक्रियामा रहेको आइसोलेसन अक्सिजन ग्यास र जनशक्ति व्यवस्थापनमा ढिलाइ हुँदा सेवा सुरुवात गर्न ढिलाइ भएको बताइएको छ।
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com
तपाईको प्रतिक्रिया दिनुहोस