ढुंगागिट्टीको निकासी खोल्ने सरकारको निर्णय नितीगत भ्रष्टाचार हो : गगन थापा
काठमाडौं । नेपाली काँग्रेसका युवा नेता गगन थापाले गिट्टी–बालुवा निकासी खोल्ने सरकारको निर्णयको विरोध गरेका छन् ।
संवैधानिक सरकारले अवैधानिक तवरले जस्केलाबाट ल्याएको बजेटमा ’नेपालको ढुङ्गा,गिट्टी,बालुवा निकासी गरेर व्यापार घाटा न्यूनीकरण गर्ने’कार्यक्रम घुसाएको’ भन्दै सरकारको यो कदमले आफ्नो असली असली अनुहार र घटिया सोच उजागर गरेको बताएका हुन् ।
उनले अगाडी लेखेका छन् ’वातावरण र चुरे संरक्षणमा सरकार कति असंवेद भएको छ । उनले सरकारको यो निर्णयलाई नितीगत भ्रष्टाचारको संज्ञा दिएका छन् । साथै सरकारले आफ्ना ’यार’लाई पोस्नका लागि सरकारले नीतिगत भ्रष्टाचार गरेको पनि उनको आरोप छ ।
अदालतको आदेश, संसदीय समितिका पटक पटकका निर्देशन र नागरिक खबरदारीलाई अन्देखा गर्दै सरकारले जस्केलाबाट ल्याएको यो जनविरोधी कार्यक्रमलाई जनप्रतिनिधिले प्रतिरोध गर्ने भन्दै सबैलाई यसको प्रतिरोध गर्न थापाले आह्वान गरेका छन् ।
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com
तपाईको प्रतिक्रिया दिनुहोस