प्रदेश २ मा सत्ता साझेदारीका लागि कांग्रेसले बराबरी खोज्यो


काठमाडौं । प्रदेश २ मा सत्ता साझेदारी गर्नि छलफलमा रहेको काँग्रेसले सरकारमा बराबरी सहभागिता रहनुपर्ने माग गरेको छ । मुख्यमन्त्री लालबाबु राउत नेतृत्वको प्रदेश २ सरकारमा सत्ता साझेदारीका लागि नेपाली कांग्रेसले बराबरीको भाग माग गरेको हो ।

सरकारमा सहभागीका लागि कांग्रेसले कुल मन्त्रालयको आधा मन्त्रालय दिनुपर्ने प्रस्ताव अघि सारेको हो । जसपा अध्यक्ष उपेन्द्र यादव समूहले महन्थ ठाकुर पक्षका ४ जना मन्त्रीलाई आइतबार राति बर्खास्त गरी सरकारमा कांग्रेसलाई सहभागी गराउन छलफल थालेको छ ।

सत्ता साझेदारी सम्बन्धमा वार्ताको लागि सरकारले भूमि व्यवस्था, कृषि तथा सहकारी मन्त्री शैलेन्द्र साह, समाजिक विकासमन्त्री नवलकिशोर साह, उद्योग, पर्यटन वन तथा वातावरणमन्त्री रामनरेश राय सम्मिलित तीन सदस्यीय वार्ता टोली गठन गरेका छन्।

सरकारी वार्ता टोली र कांग्रेसको तर्फबाट सचेतक कुशवाह, प्रदेश सांसद शिवचन्द्र चौधरी र वीरेन्द्र सिंहबीच आज बिहान भएको पहिलो चरणको वार्तामा कांग्रेसले ५० प्रतिशतको भाग खोजेको बताइएको छ।

सरकारमा सहभागी हुने विषयमा जसपाका मन्त्रीहरूसँग पहिलो चरणको छलफल भएको नेपाली कांग्रेस प्रदेश २ का सचेतक उपेन्द्र कुशवाहाले बताए। उनले पहिलो चरणको छलफलमा मन्त्रालय टुक्रयाएर सत्ता साझेदारीका लागि मन्त्रालय बाँडफाँटका सन्दर्भमा छलफल भएको जानकारी दिए।


Please send us your feedback or any articles if your passion is in writing and you want to publish your ideas/thoughts/stories . Our email address is sendyourarticle@samayasamachar.com. If we find your articles publishable, we will publish them. It can be any opinionated articles, or stories, or poems, or book reviews.
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com

तपाईको प्रतिक्रिया दिनुहोस

सुन चाँदी दर अपडेट

© Gold & Silver Rates Nepal
विदेशी विनिमय दर अपडेट

© Forex Nepal
प्रीतिबाट युनिकोड

© Preeti to Unicode
रोमनाइज्ड नेपाली

© Nepali Unicode
आजको राशिफल

© Nepali horoscope