निर्धारित समयमा सकिएन खानेपानी आयोजना


रोल्पा  ।  यहाँको एक खानेपानी आयोजना समयमा सम्पन्न हुन सकेको छैन । अघिल्लो आर्थिक वर्ष पुसभित्र सम्पन्न गरिसक्नुपर्ने सो आयोजना कोरोनाका कारण समयमा सम्पन्न हुन नसकेको हो । सम्झौता मितिले १८ महिनाभित्र सम्पन्न गरिसक्नुपर्ने आयोजना तोकिएको समयभन्दा एक वर्षपछि हुने देखिएको छ ।    

 आयोजना २०७६ साल असारमा सम्पन्न गर्ने सम्झौता भएको थियो । एशियाली विकास बैंकको ७०, नगर विकास कोषको २५ प्रतिशत ऋण सहयोग र स्थानीय समुदायको पाँच प्रतिशत लगानीमा सो आयोजना सम्पन्न गर्ने सम्झौता भएको थियो ।

जिल्ला सदरमुकाम लिवाङको घना बस्ती रहेको रोल्पा नगरपालिका वडा नं १, २ र ४ का एक हजार ६० घरघुरीलाई लक्षित गरी सो आयोजना सम्पन्न गर्न लागिएको हो । आयोजनाको कूल ठेक्का रकम रु ३१ करोड ५२ लाख ४२ हजार ९४६ रहेको छ ।    

 आयोजनाको हालसम्म ६२ प्रतिशत काम सम्पन्न भएको रोल्पा शहरी खानेपानी तथा सरसफाइ उपभोक्ता समितिका अध्यक्ष लीलाधर आचार्यले जानकारी दिनुभयो । कोरोना महामारीको विषम परिस्थितिका कारण समयमै काम सम्पन्न गर्न नसकिएको अध्यक्ष आचार्यको भनाइ छ । उहाँले तोकिएको समयभित्रै उपभोक्तालाई पानी खुवाउने प्रयास गर्दागर्दै कोरोना महामारीको विषम परिस्थितिले सफल हुन नसकेको बताउनुभयो ।    

 आयोजनाका एक हजार ६० लक्षित घरधुरीमध्ये ८०० घरधुरीको धारा जडान कार्य सम्पन्न भइसकेको छ । वितरण पाइपलाइनको केही काम बाँकी रहेको आयोजनाले जनाएको छ । आयोजनाले कार्यालय भवन, सार्वजनिक शौचालय, रिजरवायर ट्याङ्की, निर्माण भइसकेको आयोजनाको सुपरभिजन इन्जिनीयर कृष्णबहादुर ऐरले जानकारी दिनुभयो । आयोजनामा विद्युत् जडान, मोटर जडान, फिल्टर जडान र स्काडा जडानको काम बाँकी रहेका छ ।    

 आयोजना क्षेत्रभित्र समेटिने विपन्न तथा गरीब घरधुरीलाई निःशुल्क खानेपानी उपलब्ध गराउने कार्यक्रमअन्तर्गत ती घरधुरीमा खानेपानी धारा जडान र शौचालय निर्माणको काम पनि भइरहेको बताइएको छ । आयोजनाले तोकेका विपन्न घरधुरीको मापदण्डभित्र पर्ने ५८ घरधुरी शौचालय र ९९ घरधुरी पानीधारा जडानका लागि छनोट भएका थिए ।

छनोट भएका विपन्नमध्ये ५८ घरधुरीको निःशुल्क शौचालय निर्माणको काम सम्पन्न भइसकेको छ । निःशुल्क धारा जडानका लागि छनोटमा परेका ९९ मध्ये ६५ घरधुरीको काम सम्पन्न भइसकेको उहाँले जानकारी दिनुभयो ।    


Please send us your feedback or any articles if your passion is in writing and you want to publish your ideas/thoughts/stories . Our email address is sendyourarticle@samayasamachar.com. If we find your articles publishable, we will publish them. It can be any opinionated articles, or stories, or poems, or book reviews.
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com

तपाईको प्रतिक्रिया दिनुहोस

सुन चाँदी दर अपडेट

© Gold & Silver Rates Nepal
विदेशी विनिमय दर अपडेट

© Forex Nepal
प्रीतिबाट युनिकोड

© Preeti to Unicode
रोमनाइज्ड नेपाली

© Nepali Unicode
आजको राशिफल

© Nepali horoscope