खुम्बु क्षेत्रमा निर्माण गरिएकाे पदमार्गको चर्चा विश्वमा


मोरङ  ।  प्रदेश–१ का उद्योग, पर्यटन, वन तथा वातवरणमन्त्री जगदीशप्रसाद कुसियतले बजेट घाटा एवं कोभीड–१९ को विषम परिस्थितिका कारण ५० प्रतिशत बजेट कटौतीका कारण मन्त्रालयसँग सम्वन्धित विगतका आयोजनालाई बाध्यतावश निरन्तरता दिन नसकिएको बताउनुभएको छ ।    
    
प्रदेश–१ प्रदेशसभाको आठौँ तथा बजेट अधिवेशनको २०औँ आजको बैठकमा विनियोजन विधेयक २०७८ मा निर्दिष्ट गरी मन्त्रालयसँग सम्बन्धित शीर्षकमाथि विभिन्न सदस्यले राख्नुभएको प्रश्न तथा जिज्ञासाको जवाफ दिने क्रममा उहाँले सो धारणा राख्नुभएको हो ।    
    
 उहाँले सोचेअनुसार पर्यटन क्षेत्रमा कार्य गर्न नसकेको र प्राथमिकताका अनुसार सबै जिल्लालाई समानुपातिक ढङ्गले बजेट विनियोजन गरिएको बताउनुभयो । मन्त्री कुसियतले प्रदेशको पहाडी क्षेत्रमा ७५ किलोमिटर र खुम्वु क्षेत्रमा निर्माण गरिएका पदमार्गको चर्चा विश्वमा चलेको धारणा राख्नुभयो ।     
    
उहाँले तराई क्षेत्रमा धार्मिक पर्यटकको आवागमन वृद्धिका लागि कोशी व्यारेजदेखि रामधुनी, चतरा, धरान र तालतलैया जोड्ने वहुवर्षीय करिडोर निर्माणका लागि बजेट विनियोजन गरिएको बताउनुभयो । मन्त्री कुसियतले १४ जिल्लाका घरेलु तथा साना उद्योग कार्यालयमार्फत स्वरोजगारका लागि मुलकमा आवश्यकतानुसारको सीप विकास तालीम सञ्चालन गरिरहेको र आगामी दिनमा कार्यालयले प्रविधि हस्तान्तरण गर्ने बताउनुभयो ।    
    
यसैगरी आज भएको शून्य समयमा पदमकुमारी गुरुङ र राधा थापाले प्रदेशका समसामयिक विकासमा जिज्ञासा राख्नुभएको थियो । प्रदेशका सभामुख प्रदीपकुमार भण्डारीले नेपाली कांग्रेस संसदीय दलका प्रमुख सचेत केदार कार्कीलाई विशेष समय दिनुभएको थियो ।    
    
सभामुख भण्डारीले प्रदेशसभा निमावली २०७४ को १४३ को उपनियम १ बमोजिम सार्वजनिक लेखा समितिले तयार पारेको आव २०७६÷७७ को वार्षिक प्रतिवेदन सभामा पेश गर्न समितिका सभापति शिवनारायण गनगाईंलाई अनुमति दिनुभयो । प्रदेशसभाको अर्को बैठक यही असार २५ गते बिहान ११ बस्ने छ ।    


Please send us your feedback or any articles if your passion is in writing and you want to publish your ideas/thoughts/stories . Our email address is sendyourarticle@samayasamachar.com. If we find your articles publishable, we will publish them. It can be any opinionated articles, or stories, or poems, or book reviews.
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com

तपाईको प्रतिक्रिया दिनुहोस

सुन चाँदी दर अपडेट

© Gold & Silver Rates Nepal
विदेशी विनिमय दर अपडेट

© Forex Nepal
प्रीतिबाट युनिकोड

© Preeti to Unicode
रोमनाइज्ड नेपाली

© Nepali Unicode
आजको राशिफल

© Nepali horoscope