एनआरएनए अमेरिकाद्वारा नेपाललाई स्वास्थ्य सामग्री सहयोग


गैरआवासीय नेपाली सङ्घ अमेरिकाले कोभिड–१९ महामारी विरुद्धको अभियानमा नेपाललाई सघाउन करिब रु तीन करोड १६ लाखभन्दा बढीको स्वास्थ्य उपकरण र सामग्री नेपाल पठाएको छ ।

ती सामग्री गत शुक्रबार अमेरिकी सेनाको जहाजमार्फत नेपालका लागि पठाइएको र मङ्गलबार नेपाल आइपुग्ने समय तालिका रहेको गैर आवासीय नेपाली सङ्घ अमेरिकाका अध्यक्ष बुद्धि सागर सुवेदीले जानकारी दिनुभयो । ती सामग्रीमा अक्सिजन कन्सन्टे«टर, अक्सिजन पल्स अक्सिमिटर, भोल्ट स्टेप अपडाउन ट्रास्फरमर, एन ९५ मास्क, फेस सिल्ड, विभिन्न आकारका सर्जिकल गाउन सुटलगायत रहेका छन् ।

विपतको समयमा सहयोग स्वरुप नेपाल पठाउने उपकरण र सामग्री निःशुल्क ढुवानी गरिदिन अमेरिकी रक्षा मन्त्रालय मातहतको निकायसँग सहमति भएको सो सङ्घले जनाएको छ । यसका लागि अमेरिकास्थित नेपाली दूतावासले पनि सहयोग गरेको थियो । अमेरिकाबाट नेपालसम्मको ढुवानी खर्च निकै महँगो रहेकाले अमेरिकामा रहेका नेपालीहरुले विसं २०७२ को भूकम्प या गत वर्षदेखि सुरु भएको कोरोना महामारीसम्बन्धी स्वास्थ्य सामग्री नेपाल पठाउन नसकिएको तर यसपटक भने अमेरिकी रक्षा मन्त्रालयसँगको विशेष सहमतिमा अमेरिकी जहाजमार्फत नै सामग्री पठाइएको अध्यक्ष सुवेदीले बताउनुभयो ।

एनआरएनए अमेरिकाका उपाध्यक्ष सुमन थापाले पहिलो लटको यो सामग्री नेपाल सरकारलाई हस्तान्तरण गरेपछि छिट्टै नै दोस्रो लटमा करिब रु १० करोडको स्वास्थ्य उपकरण र सामग्री नेपाल पठाउने गृहकार्य शुरु गरिसकिएको बताउनुभयो । गैरआवासीय नेपाली सङ्घ अमेरिका र अमेरिकी रक्षा मन्त्रालयबीच नेपालसम्म स्वास्थ्य सामग्री ढुवानी गर्ने सम्बन्धमा भएको यो सहमतिलाई अमेरिकामा रहेका नेपालीले ठूलो उपलब्धि भनेका छन् ।

अमेरिकामा रहेका परमाणु बैज्ञानिक डा यादव पण्डितले सहयोग सामग्री कति मूल्य बराबरको हो भन्ने भन्दा पनि विपदमा एनआरएनए अमेरिकाले सहयोग स्वरुप पठाउने सामान अमेरिकी सेनाको जहाजले नेपालसम्म निःशुल्क ढुवानी गर्नुलाई एक महत्वपूर्ण उपलब्धि मान्नुपर्छ भन्नुभएको एनआरएनए अमेरिकाले आज प्रकाशन गरेको विज्ञप्तिमा जनाइएको छ ।


Please send us your feedback or any articles if your passion is in writing and you want to publish your ideas/thoughts/stories . Our email address is sendyourarticle@samayasamachar.com. If we find your articles publishable, we will publish them. It can be any opinionated articles, or stories, or poems, or book reviews.
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com

तपाईको प्रतिक्रिया दिनुहोस

सुन चाँदी दर अपडेट

© Gold & Silver Rates Nepal
विदेशी विनिमय दर अपडेट

© Forex Nepal
प्रीतिबाट युनिकोड

© Preeti to Unicode
रोमनाइज्ड नेपाली

© Nepali Unicode
आजको राशिफल

© Nepali horoscope