फोहर उठ्न सुरु


विर्तामोड नगरपालिकामा सडकमा जथाभावी थुपारिएको फोहर उठाउन सुरु गरिएको छ । नगरपालिकालाई चौतर्फी दबाब परेपछि तत्काल फोहर विर्सन गर्ने अस्थायी स्थानको टुङ्गो लगाएर व्यवस्थापन सुरु गरिएको नगरपालिकाका प्रवक्ता अग्नि पाण्डेले बताउनुभयो ।

“दीर्घकालीन फोहर व्यवस्थापन गर्ने स्थानको खोजी भइरहेको छ”, उहाँले भन्नुभयो, “तत्काल सडकमा थुप्रिएको फोहर विर्सजनका लागि नगरप्रमुख धु्रव शिवाकोटीले वडा नं ७ मा रहेको आफ्नै निजी जग्गा प्रदान गर्नुभएको छ, अब त्यही फोहर फालिन्छ ।”

विर्तामोडमा जथाभावी फालिएको फोहर नउठेर दुर्गन्ध फैलिन थालेपछि चारवर्षमा पनि ल्याण्डफिल्ड साइट व्यवस्था गर्न नसकेको भन्दै जनप्रतिनिधिको चौतर्फी आलोचना सुरु भएको थियो । नगरप्रमुखले आपत्कालीन समस्या समाधानका लागि जग्गा उपलब्ध गराएपछि केही समयलाई ढुक्क भएको प्रवक्ता पाण्डेले बताउनुभयो । विर्तामोडमा थुप्रिएको फोहर उठाउन दैनिक पाँच ट्याक्टर प्रयोग गरिरहेको फोहर व्यवस्थापनको ठेक्का लिएको काठमाडौँको निराकर सरसफाइ सेवा प्रालिका फिल्ड मेनेजर रवीन भट्टराईले बताउनुभयो ।

उहाँले तीन वर्षका लागि फोहरमैला व्यवस्थापनको जिम्मा लिए पनि नगरपालिकाले ल्याण्डफिल्ड साइटको व्यवस्था नगरिदिँदा काम गर्न समस्या भइरहेको बताउनुभयो । नगरपालिकाले सर्वदलीय भेलाबाट नै ल्याण्डफिल्ड साइटको व्यवस्थापनका लागि बिर्तामोड वडा नं ४ का वडाध्यक्ष कुलप्रसाद सङ्ग्रौलाको संयोजकत्वमा फोहरमैला विर्सजनस्थल अध्ययन तथा छनोट समिति बनाएको छ ।

प्रवक्ता पाण्डेले समितिले तीव्र रुपमा जग्गाको खोजी गरिरहेकाले १५ दिनभित्रमा दीर्घकालीन ल्याडफिल्ड साइटको व्यवस्था भइसक्ने जानकारी दिनुभयो । ठेकेदार कम्पनीले यसअघि पूर्वपश्चिम राजमार्ग आसपास, डोमालाल रङ्गलाशाको पछाडि र देउनियाँ खोला किनारमा फोहरमैला खाल्डो खनेर पुर्दै आएको थियो । लगातार परेको वर्षाका कारण खाल्डो खन्दा पानी निस्केर फोहर पुर्न नसक्दा दुई हप्तादेखि फोहरमैला सडक किनारमै थुप्रिएको थियो ।


Please send us your feedback or any articles if your passion is in writing and you want to publish your ideas/thoughts/stories . Our email address is sendyourarticle@samayasamachar.com. If we find your articles publishable, we will publish them. It can be any opinionated articles, or stories, or poems, or book reviews.
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com

तपाईको प्रतिक्रिया दिनुहोस

सुन चाँदी दर अपडेट

© Gold & Silver Rates Nepal
विदेशी विनिमय दर अपडेट

© Forex Nepal
प्रीतिबाट युनिकोड

© Preeti to Unicode
रोमनाइज्ड नेपाली

© Nepali Unicode
आजको राशिफल

© Nepali horoscope