राष्ट्रिपति भण्डारीको जन्मगाउँमा पानीको समस्या समाधान


पानीको अभाव झेल्दै आएका राष्ट्रपति विद्यादेवी भण्डारीको जन्मस्थान मानेभञ्याङका बासिन्दाको समस्या हटेको छ ।

विगत लामो समयदेखि पानीको समस्यामा रुमलिएका यहाँका स्थानीयसीको पिखुवा खोला मानेभञ्याङ लिफ्टिङ आयोजनाको काम समापन भएसँगै समस्या हटेको हो ।

पानीका कारण स्थानीयवासीले गाउँ नै छाड्दा यो ठाउँ प्राय खाली जस्तै बनेको छ । विगतमा ८७५ घर रहेकामा यहाँ अहिले ४२० घर मात्र बाँकी छन् । पानीको पर्खाईमा लामो समय बिताएका उहाँहरुको सपना अब भने पूरा भएको छ । रामप्रसादराई गाउँपालिका– ५ मा रहेको यो स्थानमा धेरै खेतीयोग्य तथा उर्वरभूमि छ ।

बस्ती छाडेर स्थानीयवासी बाहिर जाँदा धेरै जमिन बाँझिएका छन् । बस्ती उजाड बनेको छ । एक मात्र पानीको विकल्पमा बसेका स्थानीयवासीलाई तीन हजार २०० मिटर तल रहेको विखुवा खोलामा डिप बोरिङ गरेर पानी बस्तीसम्म पु¥याइएको हो । यहाँको पानीको समस्यालाई ध्यानमा राख्दै २०७३ साल जेठ महिनाबाट खानेपानी आयोजनाको काम सुरु गरिएको थियो ।

खानेपानी तथा सरसफाइ डिभिजन कार्यालयको रु १२ करोड ४५ लाख लागतमा खानेपानी आयोजनाको काम सम्पन्न गरिएको आयोजना उपभाक्ता समितिका अध्यक्ष दीपक तामाङले जानकारी दिनुभयो । उहाँका अनुसार यहाँका ४२० धारामा पानी पुगेको छ भने पानीलाई बस्तीसम्म लैजानका लागि मुख्य लाइनमा ४० हजार लिटर क्षमताका चार ट्याङ्की निर्माण गरिएका छन् ।

त्यस्तै बस्तीमा पानी वितरणको लागि ७५ र ५५ हजार लिटरको ट्याङ्की निर्माण गरिएको छ । त्यस्तै २० हजार लिटर क्षमताका छ शाखा ट्याङ्की निर्माण गरिएका छन् । अध्यक्ष तामाङले भन्नुभयो, “लामो समयको मेहनतले काकाकूल भएको बस्तीमा पानी खसाल्न सफल भएका छौँ, हाम्रो भेगमा आठ सय बढी परिवार थिए, तर पानीका कारण झण्डै ५० प्रतिशत घरपरिवारले बस्ती छाडे, अब बाँकी रहेका घरपरिवारको भने पानीको समस्या अन्त्य भएको छ, धेरैपछि भए पनि पानीको अभाव हटेको छ ।”

आयोजना सम्पन्न भए पनि यसको दिगो व्यवस्थापनका लागि मासिक रु २०० न्यूनतम शुल्क तोकिएको छ । त्यस्तै न्यूनतम शुल्क भन्दा बढी पानी उभोग गर्ने उपभोक्ताले प्रतिलिटर १५ पैसाका दरले शुल्क बुझाउने व्यवस्था गरिएको अध्यक्ष तामाङको भनाइ छ ।


Please send us your feedback or any articles if your passion is in writing and you want to publish your ideas/thoughts/stories . Our email address is sendyourarticle@samayasamachar.com. If we find your articles publishable, we will publish them. It can be any opinionated articles, or stories, or poems, or book reviews.
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com

तपाईको प्रतिक्रिया दिनुहोस

सुन चाँदी दर अपडेट

© Gold & Silver Rates Nepal
विदेशी विनिमय दर अपडेट

© Forex Nepal
प्रीतिबाट युनिकोड

© Preeti to Unicode
रोमनाइज्ड नेपाली

© Nepali Unicode
आजको राशिफल

© Nepali horoscope