पूर्वाधार अभावमा स्वास्थ्य सेवा प्रभावित


पूर्वाधार अभावमा म्याग्दीको धवलागिरि गाउँपालिका–५ मल्कवाङमा रहेको स्वास्थ्यचौकीको सेवा प्रभावित बनेको छ । पुरानो, जीर्ण र साँघुरो कोठा भएको भवनबाट स्वास्थ्यचौकी सञ्चालन गर्न समस्या भएको हो । स्वास्थ्यचौकीका अहेव लेखनाथ गौतमले पूर्वाधार अभावमा सेवा प्रभावित बनेको बताउनुभयो ।

“चार वर्षअघि सुरु भएको भवन निर्माण अझै सकिएको छैन”, उहाँले भन्नुभयो, “बर्खामा पानी चुहिने जीर्ण भवनमा दुःखकष्टका साथ सेवा दिएका छौँ”, कच्ची भवनका कोठा साँघुरा छन् । करिब २५० घरधुरीले सेवा लिने स्वास्थ्यचौकीको कामकाज प्रभावित बनेको हो । जीर्ण, साँघुरो र पानी चुहिने कच्ची भवनमा स्वास्थ्य संस्था सञ्चालन गर्दा नागरिकलाई समस्या भएको छ ।

प्रसूति गराउने, बिरामीको स्वास्थ्य परीक्षण र घाउ, चोटपटक सफा गर्ने ठाउँ साँघुरो छ । सिङ्गो स्वास्थ्यचौकी तीनवटा कोठामा सीमित छ । पर्याप्त कार्यकक्ष नहुँदा सेवा प्रवाहमा समस्या भएको अहेव गौतमले बताउनुभयो । एक कोठामा प्रशासन र बिरामीको उपचार गर्ने कक्ष राखिएको छ भने एक कोठामा औषधि भण्डारण र अर्कोमा प्रसूतिकक्ष राखिएको छ ।

दैनिक १० जना सेवाग्राही आउने गर्छन् । विभिन्न तहका छ जनाको दरबन्दी भएको स्वास्थ्यचौकीमा हाल कार्यरत तीन जनामध्ये एक जना मासिकाबाहेक अरु दुई जना करारका हुन् । चार वर्षअघि निर्माण सुरु भएको स्वाथ्यचौकीको भवनले पूर्णता नपाउँदा अलपत्र परेको छ । दुईतले १४ कोठे भवन १८ महिनामा निर्माण सम्पन्न गर्ने लक्ष्यसहित वल्र्डवाइड मालिका भगवती जेभीले रु एक करोड ७४ लाखमा ठेक्का लिएको थियो ।

भवन छाउने, रङरोगन गर्ने, फर्निचर, विद्युत्, पानी जडान, पर्खाल र घेराबारलगायत काम बाँकी छ । स्थानीय भीम छन्त्यालले सम्बन्धित कार्यालय, निर्माण व्यवसायी र सरोकारवालाको बेवास्ताका कारण भवन निर्माणमा ढिलाइ गरेका बताउनुभयो । स्थानीय सहायक ठेकेदारहरूले अधकल्चो बनाएर करिब एक वर्ष रोकिएको भवन निर्माणकार्य आगामी चैतभित्र सम्पन्न गर्ने निर्माण व्यवसायी गोपाल भट्टचनले प्रतिबद्धता जनाउनुभयो ।


Please send us your feedback or any articles if your passion is in writing and you want to publish your ideas/thoughts/stories . Our email address is sendyourarticle@samayasamachar.com. If we find your articles publishable, we will publish them. It can be any opinionated articles, or stories, or poems, or book reviews.
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com

तपाईको प्रतिक्रिया दिनुहोस

सुन चाँदी दर अपडेट

© Gold & Silver Rates Nepal
विदेशी विनिमय दर अपडेट

© Forex Nepal
प्रीतिबाट युनिकोड

© Preeti to Unicode
रोमनाइज्ड नेपाली

© Nepali Unicode
आजको राशिफल

© Nepali horoscope