१०८ घरमा ‘एक घर–एक धारा’ जडान


यहाँका १०८ घरमा एक घर एक धारा जडान गरिएको छ । लामो समयदेखि खानेपानीको समस्यामा गुजारा चलाइरहेका वालिङ–५ मजकोटमा बोहोरीखोला मजकोट लिफ्टिङ खानेपानी योजनामार्फत घर घरमा पानी पुगेको हो ।

विभिन्न चरणमा वालिङ नगरपालिकाबाट विनियोजन भएको रु ५० लाखको लागतमा योजना सम्पन्न गरी प्रत्येक घरमा धारा जडान गरी खानेपानी वितरण गरिएको वालिङ नगरपालिकाका इञ्जिनियर दीपेन्द्र मल्लले जानकारी दिनुभयो । इञ्जिनियर मल्लका अनुसार गाउँभन्दा तल रहेको बोहोरीखोला मुलबाट पानी तानेर मजकोटमा ल्याइएको र त्यहाँ ४० हजार लिटरको ट्याङ्कीमा पानी सङ्कलन गरी वितरण गरिएको छ । “बोहोरीखोला मुलबाट २८० मिटर ‘भर्टिकल हाइट’ मा सोलारमार्फत पानी लिफ्टिङ गरिएको छ”, इञ्जिनियर मल्लले भन्नुभयो, “३२० वाटका ३२ वटा सोलार प्यानलको प्रयोग गरी पानी तानिएको हो, सोलारको महशुल विद्युत्को भन्दा कम पर्ने देखिएको छ ।”

एक गाग्री पानीका लागि एकदेखि डेढघण्टा समय खर्चनुपर्ने अवस्था रहेकोमा योजनामार्फत गाउँमा पानी आए पछि निकै सहज भएको बोहोरीखोला लिफ्टिङ खानेपानी योजनाका अध्यक्ष फणीन्द्र थापाले बताउनुभयो । “एक गाग्री पानीका लागि प्रत्येक घरले एकदेखि डेढघण्टा समय छुट्टयाउनुपथ्र्यो”, अध्यक्ष थापाले भन्नुभयो, “वालिङ नगरपालिकाको पहलमा अहिले गाउँका प्रत्येक घर–घरमा खानेपानीको धारा जडान गरेका छौँ, पानीको निकै सहज भएको छ ।”

खोल्सा खोल्सीमा गएर पालो कुरेर खानेपानी ल्याउनुपर्ने बाध्यता हटेको छ भने पानी बोक्दा बोक्दै थकाइ लाग्ने अवस्था अब नरहने अध्यक्ष थापा बताउनुहुन्छ । प्रत्येक घरमा मिटर जडान गरिएको छ । पानी खोल्न, बन्द गर्न तथा मर्मतकालागि दुई जना कर्मचारी राखिएको अध्यक्ष थापाले जानकारी दिनुभयो । “पानीको जोहो गर्नका लागि चिन्तित हुने यहाँका गाउँले अहिले घर–घरमा धारा जडान भएसँगै समयको वचत भएको छ”, अध्यक्ष थापाले भन्नुभयो, “पानीको जोहो गर्नमै व्यस्त र चिन्तित हुनेहरु अहिले खुशी र हर्षित देखिएका छन् ।”

वालिङ नगरपालिकाले खानीपानीका समस्या भएका बस्तीमा शुद्ध खानेपानी पु¥याउने लक्ष्यसहित योजना अगाडि बढाएको छ । नगरपालिकाले गत आव २०७७÷०७८ मा खानेपानीमा रु ५६ लाख ५५ हजार ५७४, आव २०७६÷०७७ मा रु ८४ लाख ७० हजार ५६४, आव २०७५÷०७६ मा रु दुई करोड सात लाख चार हजार ६८९ विनियोजन गरेको थियो । प्रदेश, केन्द्र सरकार र अन्य सहयोगी सङ्घ संस्थाको पहलमा नगरका १४ वटै वडामा खानेपानीका योजना अगाडि बढाइरहेको जनाइएको छ ।
–––


Please send us your feedback or any articles if your passion is in writing and you want to publish your ideas/thoughts/stories . Our email address is sendyourarticle@samayasamachar.com. If we find your articles publishable, we will publish them. It can be any opinionated articles, or stories, or poems, or book reviews.
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com

तपाईको प्रतिक्रिया दिनुहोस

सुन चाँदी दर अपडेट

© Gold & Silver Rates Nepal
विदेशी विनिमय दर अपडेट

© Forex Nepal
प्रीतिबाट युनिकोड

© Preeti to Unicode
रोमनाइज्ड नेपाली

© Nepali Unicode
आजको राशिफल

© Nepali horoscope