त्रिभुवन विश्वविद्यालय केन्द्रीय पुस्तकालयका निर्माता, प्रथम प्रमुख महिला ‘लाइब्रेरियन’ स्वर्गीय शान्ति श्रेष्ठसँगको आफ्नो जीवनलाई जिवन्त तुल्याउन त्रिविविकै पूर्वलाइब्रेरियन नारायणप्रसाद मिश्रले रु ३० लाख खर्चेर विश्वविद्यालयको पुरस्तकालयलाई ‘शान्तिनारायणका सङ्कलन’का रुपमा विस्तार गर्नुभएको छ ।
स्नातकोत्तर तहमा त्रिविविले सञ्चालन गर्ने पत्रकारितातर्फको परीक्षामा सर्वोत्कृष्ट स्थान हासिल गर्नेलाई हरेक वर्ष ‘नारायणशान्ति स्वर्णपदक’ वितरणको प्रबन्ध गर्न रु आठ लाखभन्दा बढी लगानी गर्नुभएका प्रशासन क्षेत्रका जानकार मिश्रले पुस्तकालय सेवाबाटै आफूहरूले प्रतिष्ठा आर्जन गरेकाले पुस्तकालयमा सङ्कलन बढाउन शान्तिनारायणका सङ्कलनका रुपमा विस्तार गर्नुभएको हो ।
पुस्तकालय विज्ञान, नेपाल र नेपालीसम्बन्धी पुस्तक, सरकार र राजनीति, इतिहास, धर्म–संस्कार, नेपाली साहित्य, अङ्ग्रेजी साहित्य, विकास–निर्माण, विश्वका नामचलेका व्यक्तिको जीवनी, विज्ञान –प्रविधि, शिक्षा पद्धति, शब्द कोश र विषय कोशमा एक हजार६७० पुस्तक थपिएपछि त्रिविविको पुस्तकालय थप फराकिलो भएको छ । शुक्रबार शिक्षाध्यक्ष शिवलाल भुसालले उद्घाटन गर्नुभएको उक्त कक्ष ज्ञानको तिर्खा मेट्नेका लागि उपयोगी हुने भएको छ ।
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com
तपाईको प्रतिक्रिया दिनुहोस