वीरगञ्जलाई प्रदेश नं २ को राजधानी बनाउन दबाब


प्रदेश नं २ को स्थायी राजधानी देशकै आर्थिक नगरीका रूपमा स्थापित वीरगञ्जलाई बनाउन दबाब सिर्जना गर्न थालिएको छ । वीरगञ्जलाई प्रादेशिक स्थायी राजधानी बनाउन दबाव दिन ज्ञापनपत्र बझाउनेदेखि मुख्यमन्त्रीको निवासमा धर्ना बस्नेसम्मको कार्यक्रम सार्वजनिक गरिएको हो । वीरगञ्ज राजधानीको पक्षमा आवाज उठाउँदै आउनुभएका लोकतान्त्रिक समाजवादी पार्टी (लोसपा)का नेता राजेशमान सिंहको समूहले पुस २८ गते बुधबार प्रदेश नं २ लोसपा संसदीय दलका नेता जितेन्द्र सोनललाई ज्ञापनपत्र बुझाउँदैछन् भने ३० गते शुक्रबार प्रदेशका मुख्यमन्त्रीको वीरगञ्ज निवास अगाडि शान्तिपूर्ण धर्ना एवं प्रदर्शन गर्ने कार्यक्रम सार्वजनिक गरेको हो । समग्रमा देशकै प्रमुख आर्थिक नगरीका रूपमा परिचित वीरगञ्जलाई नै प्रदेशको स्थायी राजधानी बनाउनुपर्ने भन्दै पर्साबाट निर्वाचित प्रदेशसभा सदस्य प्रल्हाद गिरी, लोसपा नेता प्रेमबाबु पटेल, मुकेश द्विवेदी, उमेश सहनी, सुजित गिरीलगायतको माग छ । वीरगञ्जलाई नै स्थायी राजधानी बनाउन खोजेको भन्दै वीरगञ्जवासीले दबाब सिर्जना गरेका छन् । मधेश आन्दोलनलाई सार्थक बनाउन वीरगञ्जले खेलेको भूमिका र सहिदको बलिदानीको मूल्याङ्कन गरेर वीरगञ्जलाई प्रदेश नं २ को राजधानी कायम गर्नुपर्ने माग वीरगञ्जवासीको छ ।

होल्डिङ सेन्टर व्यवस्थापन

कोभिडका जटिल बिरामीको उपचारका लागि नेपालको प्रवेशद्वार पर्साको वीरगञ्ज भन्सार कार्यालयभित्र निर्माण गरिएको होल्डिङ सेन्टरमा तत्कालका लागि ४०० शय्या व्यवस्थापन गरिएको छ । कोरोना भाइरसको नयाँ भेरियन्ट ओमीक्रोनको सङ्क्रमण तीव्ररूपमा फैलिरहेको अवस्थालाई मध्यनजर गर्दै पूर्वतयारीका लागि कोभिडका जटिल बिरामीको उपचारका लागि होल्डिङ सेन्टरमा ४०० शय्याको व्यवस्थापन गरिएको हो ।

नयाँ भेरियन्ट ओमिक्रोन सङ्क्रमण तीव्ररूपमा फैलिरहेको अवस्थालाई मध्यनजर गर्दै सोको पूर्वतयारीका लागि सेन्टरको व्यवस्थापनसहित इनर्वानाका र वीरगञ्ज नाकामा हेल्थडेस्क स्थापना गरिएको प्रमुख जिल्ला अधिकारी उमेशकुमार ढकालले जानकारीले दिनुभयो ।

जटिल भएका सङ्क्रमित आएमा होल्डिङ सेन्टरमा राख्ने र उनीहरुलाई खानासहितको आवश्यक जोहो गर्ने कार्यमा महानगरपालिका, जिल्ला कोभिड समन्वय समितिसहित सरोकारवाला निकायसँग समन्वय अघि बढाइएको प्रजिअ ढकालले बताउनुभयो । नेपाल–भारतको आवतजावतस्थलका रूपमा रहेको पर्साका विभिन्न नाका हुँदै नेपाल भित्रने नागरिकलाई लक्ष्य गरी कोभिड परीक्षणबाट सङ्क्रमित देखिएमध्ये जटिल बिरामीलाई उक्त होल्डिङ सेन्टरमा उपचारका लागि राखिने छ । भन्सार कार्यालयभित्र निर्मित एक हजार शय्या क्षमताको होल्डिङ सेन्टर निर्माण जारी छ ।


Please send us your feedback or any articles if your passion is in writing and you want to publish your ideas/thoughts/stories . Our email address is sendyourarticle@samayasamachar.com. If we find your articles publishable, we will publish them. It can be any opinionated articles, or stories, or poems, or book reviews.
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com

तपाईको प्रतिक्रिया दिनुहोस

सुन चाँदी दर अपडेट

© Gold & Silver Rates Nepal
विदेशी विनिमय दर अपडेट

© Forex Nepal
प्रीतिबाट युनिकोड

© Preeti to Unicode
रोमनाइज्ड नेपाली

© Nepali Unicode
आजको राशिफल

© Nepali horoscope