मतदान केन्द्र सम्हाल्दै महिला कर्मचारीको टोली


खोटाङ, ३ मंसिर 

खोटाङमा एउटा मतदान केन्द्रमा महिला कर्मचारी मात्र खटिएका छन् । दिक्तेलको सरस्वती मावि (ख) केन्द्रमा अधिकृत छैठौँ सर्मिला राईको नेतृत्वमा सात महिला खटिएका हुन् ।

साकेला गाउँपालिकामा कार्यरत राईलाई मुख्य निर्वाचन अधिकृतको कार्यालयले सो मतदान केन्द्रमा मतदान अधिकृतको रुपमा खटाएको हो । सो केन्द्रमा दिक्तेल रुपाकोट मझुवागढी नगरपालिकामा कार्यरत पाँचौं स्तरका कर्मचारी इरन राईलाई सहायक मतदान अधिकृत, सोही नगरपालिकामा कार्यरत पाँचौ स्तरका कल्पना पोखरेल र चौथो स्तरका अरुणा बानियाँलाई सहायक कर्मचारीका रुपमा खटाएको छ । 

यस्तै, दिक्तेल रुपाकोट मझुवागढी नगरपालिकाकी प्राशि द्धितीय सविता ढकाल, हलेसी तुवाचुङ नगरपालिकाकी प्राशि तृतीय देवी राई, जिल्ला आयुर्वेद स्वास्थ्य केन्द्रका चौथो स्तरका सिता यादवलाई सहायक कर्मचारीका रुपमा खटाएको छ ।

जिल्ला अदालतकी सरस्वती दाहाललाई सहयोगीका रुपमा खटाइएको मुख्य निर्वाचन अधिकृतको कार्यालयले जनाएको छ । नमूना मतदान केन्द्रका रुपमा एउटा मतदान केन्द्रमा महिला कर्मचारीलाई मात्रै खटाइएको सहायक निर्वाचन अधिकृत रामाकान्त यादवले बताए । 

मतदान केन्द्रमा खटिएका महिला कर्मचारीको टोलीले मतदानस्थल तयार पारेर मतदाता नामावली वितरण, बुथ प्रतिनिधि कार्ड वितरण गरिरहेका छन् । 

खोटाङका १३६ मतदान स्थल, १९४ मतदान केन्द्र र दुई वटा स्थायी मतदान केन्द्रमध्ये १५ मतदान केन्द्रको मतदान अधिकृतका रुपमा महिला कर्मचारी खटिएका छन् । 


Please send us your feedback or any articles if your passion is in writing and you want to publish your ideas/thoughts/stories . Our email address is sendyourarticle@samayasamachar.com. If we find your articles publishable, we will publish them. It can be any opinionated articles, or stories, or poems, or book reviews.
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com

तपाईको प्रतिक्रिया दिनुहोस

सुन चाँदी दर अपडेट

© Gold & Silver Rates Nepal
विदेशी विनिमय दर अपडेट

© Forex Nepal
प्रीतिबाट युनिकोड

© Preeti to Unicode
रोमनाइज्ड नेपाली

© Nepali Unicode
आजको राशिफल

© Nepali horoscope