सप्तरीका सबै निर्वाचन स्थलमा निर्वाचन सामग्री पुगिसके : मुख्य निर्वाचन अधिकृत


सप्तरी, ३ मंसिर

मुख्य निर्वाचन अधिकृत हेमन्त रावलले सप्तरीका सबै मतदानस्थलमा निर्वाचन सामग्री पुगिसकेको जानकारी दिएका छन् । भाेलि हुने निर्वाचनका लागि जिल्लाका २९७ वटै मतदानस्थलमा आवश्यक सामग्री पुगिसकेकाे छ । अहिले मतदानका लागि बुथ निर्माण भइरहेकाे उनले बताए ।

‘महिला, पुरुष र अशक्त अपांगताका लागि सहज रूपमा मतदान गर्ने वातावरणका  लागि बुथ निर्माण गर्न सबै मतदान अधिकृतलाई निर्देशन दिएको उनले बताए । सबैलाई सहज हुनेगरी बेलुकासम्म बुथ तयार भइसक्ने उनको भनाइ छ । उनले भने,´भाेलि मतदान सकिएसँगै मतगणना सुरु गर्ने  तयारी थालिएकाे छ ।’

यता, शान्तिपूर्वक भयरहित वातावरणमा मतदान सम्पन्न गराउन सबै सुरक्षा व्यवस्था मिलाइसकेको सप्तरीका प्रहरी प्रमुख अविनारायण काफ्ले बताए । उनले मौन अवधिमा निर्वाचन आचारसंहिता विपरीत काममा प्रयोग भएका एक थान स्कारपियो गाडी सप्तकोशी नगरपालिकाबाट नियन्त्रणमा लिएको जानकारी दिए  ।

जिल्लाका सबै मतदान स्थलको सुरक्षा व्यवस्था कडा गरिएको  छ, शान्तिपूर्ण रूपमा मतदान सम्पन्न गराउन आवश्यकताअनुसार सुरक्षाकर्मी परिचालन समेत गरिसकेको काफ्लेको भनाइ रहेको छ ।

सप्तरीमा २९७ मतदानस्थलमा ५३८ वटा मतदान केन्द्र छ । सुरक्षा विश्लेषणको आधारमा २०८ मतदानस्थललाई अति संवेदनशील,  ८३ संवेदनशील र ४ वटालाई सामान्य तोकिएको छ ।

एक हजार ६३७ नेपाल प्रहरी र तीन हजार २७८ म्यादी प्रहरी गरी कुल ४ हजार ९१५ जना सुरक्षाकर्मी मतदान स्थलमा खटाइएको छ भने नेपाली सेना पनि परिचालन गरिएको जिल्ला प्रहरी कार्यालय सप्तरीले जनाएको छ ।


Please send us your feedback or any articles if your passion is in writing and you want to publish your ideas/thoughts/stories . Our email address is sendyourarticle@samayasamachar.com. If we find your articles publishable, we will publish them. It can be any opinionated articles, or stories, or poems, or book reviews.
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com

तपाईको प्रतिक्रिया दिनुहोस

सुन चाँदी दर अपडेट

© Gold & Silver Rates Nepal
विदेशी विनिमय दर अपडेट

© Forex Nepal
प्रीतिबाट युनिकोड

© Preeti to Unicode
रोमनाइज्ड नेपाली

© Nepali Unicode
आजको राशिफल

© Nepali horoscope