स्कटल्यान्ड तीन खेल अगावै लिग–२ च्याम्पियन
बुधबार, २०७९ फागुन ३ गते, १५:१७ मा प्रकाशित
काठमाडौं, ३ फागुन । स्कटल्यान्ड तीन खेलअगावै आईसीसी विश्वकप क्रिकेट लिग–२ च्याम्पियन बनेको छ ।
तालिकाको शीर्ष स्थानमा रहेको स्कटल्यान्डले जितसँगै ३३ खेलबाट ४८ अंक जोडेलगत्तै तीन खेलअगावै सात देश सम्मिलित लिग–२ च्याम्पियन बनेको हो । बुधबार कीर्तिपुरस्थित त्रिवि क्रिकेट मैदानमा भएको खेलमा नामिबियालाई १० विकेटले हराएसँगै स्कटल्यान्ड तीन खेल अगावै लिग–२ च्याम्पियन बनेको हो ।
जसअनुसार ओमानले ४४ अंकले दोस्रो स्थानमा छ, तेस्रो स्थानमा रहेको नामिबियाको ३२ खेलबाट ३७ अक छ । बुधवार किर्तिपुरस्थित टियु मैदानमा नामिबियाले प्रस्तुत गरेको १५४ रनको सामान्य लक्ष्य स्कटल्यान्डले २२१ ओभरमा कुनै पनि विकेट नगुमाई जीत हासिल गरेको हो ।
चौथो स्थानको अमेरिकाले ३६ खेलबाट ३५ अंक जोडेको छ। उता, पाँचौँ स्थानको युनाइटेड अरब इमिरेट्स (यूएई) ले २६ खेलबाट २७ र छैटौँ स्थानको नेपालले २५ खेलबाट २० अंक जोडेको छ । तालिकाको अन्तिमा पपुवा न्युगिनीले २८ खेल खेल्दा पाँच अंक मात्र जोड्न सकेको छ ।
लिगको शीर्ष तीन स्थानमा रहने टिमले यसै वर्ष हुने एकदिवसीय विश्वकपको छनोटमा सिधा प्रवेश पाउनेछन् ।
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com
तपाईको प्रतिक्रिया दिनुहोस