पाँचथरमा मोटरसाइकल चोरी गर्ने गिरोहका ८ पक्राउ
आईतबार, २०७९ फागुन १४ गते, १५:४२ मा प्रकाशित
पाँचथर, १५ फागुन । पाँचथर प्रहरीले मोटरसाइकल चोरीमा संलग्नको आरोपमा आठजनालाई पक्राउ गरेको छ ।
पाँचथर र तेह्रथुमको विभिन्न स्थानहरुबाट उनीहरूलाई प्रहरीले पक्राउ गरिएको हो ।
जिल्ला प्रहरी कार्यालय पाँचथरका प्रहरी नायब उपरीक्षक हरि खतिवडाका अनुसार चोरीका मोटरसाइकल खरिद गरी पाटपुर्जा परिबर्तन गरेर बिक्री गर्नेलाई समेत पक्राउ गरिएको छ । पत्रकार सम्मेलनमार्फत आज उनीहरुलाई सार्बजनिक गरिएको छ ।
तेह्रथुमको आठराई गाँउपालिका–४ शिवकुमार तामाङ, श्रीप्रसाद तामाङ, पविन इङ्नाम, सुरज पुर्वछाने मगर, वासुदेव तामाङसहित ८ जनालाई प्रहरीले पक्राउ हुन ।
यसैगरी, ताप्लेजुङको आठराई त्रिबेणी गाउँपालिकाएनमान दियाली, इलामको फाकफोकथुम घर भइ आठराईमा दुग्ध डेरी सञ्चालन गर्ने २७ वर्षीय तारा बराल र पाँचथरको फालेलुङ गाउँपालिका ५ घर भइ फिदिम नगरपालिका १ मा ग्यारेज सञ्चालन गर्ने विरेन्द्र रानालाई प्रहरीले पक्राउ गरेको हो । उनीहरुलाई आजै प्रहरीले सार्वजनिक समेत गरेको छ ।
उनीहरूलाई जिल्ला अदालत पाँचथरबाट म्याद थप गरी प्रहरीले अनुसन्धान गरिरहेको छ ।
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com
तपाईको प्रतिक्रिया दिनुहोस