विकास निमार्णमा चरम अनियमितता, समान्य वर्षा मै नाली भत्कियो

मुकेशकुमार यादव

सिरहा, ५ चैत

सिरहामा जनप्रतिनिधि र कर्मचारीहरूकै मिलोमतोमा विकास निमार्णको काममा अनियमिततता भएको पाइएको छ । जिल्लाको लहान नगरपालिकाका जनप्रतिनिधि तथा कर्मचारीको मिलोमतोमा नगरपालिकाको ६ श्रीराम कोलोनी क्षेत्रमा गरिएको पक्कि नाला निमार्ण कार्यमा कमसल निर्माण सामाग्री प्रयोग गरी अनियमितत्ता गरिएको पाइएको हो ।

नगरपालिकाका कर्मचारी र ठेक्केदारको मिलमत्तोमा कमसल सामग्री प्रयोग गरि पक्कि नाला निर्माण सम्पन्न भएकोमा दुई महिना नपुग्दै भत्किएको स्थानीयको आरोप छ । 

नगरपालिकाले निर्माण गरेको नालामा कमसल सामग्रीको प्रयोग भएकै कारण दुई महिनामै भत्किएको स्थानीयको आरोप छ ।

जनप्रतिनिधि र ठेकेदारको लापरबाहीले काम गुणस्तरीय नभएको दुखेसो छ । निर्माणका क्रममा नगरपालिका र वडाबाट अनुगमन नहुनुले पनि कर्मचारी, जनप्रतिनिधी र ठेकेदारको मिलेमत्तो रहेको उनीहरू बताउँछन् ।

लहान ६ का वडा अध्यक्ष रमेश गौतमले नगरको काम भएकोले सवै आफूलाई जानकारी नभएको बताए । उनले भने, ‘भत्केको खवर पाएपछि म पनि हेर्न गएँ, भत्केकै रहेछ । मैले नगरपालिकामा जानकारी गरिसकेको छु ।'

नगरपालिकाका साइड इन्जिनियर कामेश्वर यादवले सतहको माटो गिलो भएकोले र वर्षाका कारण माटो धस्केकाले नालाको वाल भत्केको बताए ।