शपथ लिए नवनियुक्त मन्त्रीहरूले
शुक्रबार, २०७९ चैत्र १७ गते, १६:२६ मा प्रकाशित
काठमाडौं, १७ चैत । नवनियुक्त मन्त्रीहरुले पद तथा गोपनीयताको शपथ लिएका छन् । राष्ट्रपति भवन शीतल निवासमा शुक्रबार अपरान्ह विशेष समारोहमा राष्ट्रपति रामचन्द्र पौडेलले नवनियुक्त मन्त्रीहरूलाई पद तथा गोपनीयताको शपथ ग्रहण गराएका हुन् ।
कांग्रेसका पूर्णबहादुर खड्का उपप्रधानसहित रक्षा, डा. प्रकाशसरण महत अर्थ, रमेश रिजाल उद्योग र सीता गुरुङले सहरी विकास मन्त्रीको पद तथा गोपनीयताको शपथ लिएका हुन् ।
एकीकृत समाजवादीका डा. बेदुराम भुसाल कृषि तथा पशुपन्छी र प्रकाश ज्वाला भौतिक, जसपाका अशोक राई शिक्षा, लोसपाका शरदसिंह भण्डारी श्रम तथा रोजगार, नेसपाका महिन्द्र राययादव महिला बालबालिका, माओवादीका शक्ति बस्नेत ऊर्जा तथा जलश्रोत र नागरिक उन्मुक्तीका रञ्जिता श्रेष्ठ भूमि व्यवस्था मन्त्रीको शपथ लिएका हुन् ।
यसअघि भौतिक मन्त्रालयको जिम्मेवारी सम्हालेका माओवादीका नारायणकाजी श्रेष्ठलाई उपप्रधानसहित गृहमन्त्रालयको जिम्मेवारी दिइएको छ ।
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com
तपाईको प्रतिक्रिया दिनुहोस