कारबाही अघि नै बेलायती पुर्व प्रधानमन्त्रीले दिए सांसद पदवाट राजिनामा

लन्डन, २७ जेठ । पुर्व प्रधानमन्त्री बोरिस जोनसनले संसदलाई गुमराह गरेको आरोपमा सजाय पाउने जानकारी पाएपछि बेलायती सांसद पदबाट राजीनामा दिएका छन् ।

तत्कालै लागु हुने गरी जोन्सनले राजिनामा दिए पछि  रिक्त भएको उक्त सिटमा अब उपनिर्वाचन हुनेछ ।

संसदीय छानबिनका बीचमा जोनसन आफ्नो राजनीतिक भविष्यका लागि लडिरहेका छन । उनले कोभिड–१९ का सबै नियमहरू पालना गरिएको बताउँदै आए पनि उनी माथी हाउस अफ कमन्सलाई भ्रमित गरेको आरोप लगाइएको छ ।

संसदको विशेषाधिकार समितिले जोनसनले लापरवाही वा जानाजानी संसदलाई गुमराह गरेको प्रमाणित भएमा उनलाई १० दिनभन्दा बढी संसदबाट निलम्बन गर्न सिफारिस गर्न सक्छ। तर उनले राजीनामा दिए र सम्भावित रूपमा आफ्नो सीटको लागि चुनाव सुरु गरे।

‘मलाई संसदबाट हटाउन म विरुद्ध कारबाही गर्न कटिबद्ध छन् भनेर विशेषाधिकार समितिबाट पत्र प्राप्त भएको छ,’ उनले भने, ‘समितिका धेरैजसो सदस्यहरू, विशेष गरी अध्यक्षले प्रमाण नदेखेर नै मेरो दोषको बारेमा गहिरो पक्षपातपूर्ण टिप्पणी गरिसकेका छन् ।’

प्रीमियरशिप डाउनिंग स्ट्रीट कार्यालय तथा निवासमा कोभिड–१९ को मापदण्ड तोडेर पार्टी गरेको अभियोग उनी माथी लाग्दै आएको छ । उनले कोभिड–१९ का नियमहरु तोडेर पार्टी गरे पछि बेलायतभरी आलोचना भएको थियो ।