युवा संघले बनायो निजगढका बिद्यालयमा सडक जेब्रा क्रसिङ
शनिबार, २०८० भदौ ३० गते, १६:४१ मा प्रकाशित
इन्दीप कोइराला
बारा, ३० भदाैं । राष्ट्रिय युवा संघ नेपाल निजगढ नगर कमिटीले निजगढ नगरपालिकाका बिघालयका सडकहरुमा जेब्रा क्रसिङ निर्माण थालेको छ ।
बढी भिडभाड हुने र सडकमा जेब्रा क्रसिङ नहुँदा दुर्घटना बढ्न थालेपछि विद्यार्थीलाई सजिलो होस् भनेर बाटो क्रस गर्ने स्थानलाई मध्य नजर गर्दै जेब्रा क्रसिङ निर्माण गरिएको राष्ट्रिय युवा संघ नेपाल निजगढ नगर कमिटीका अध्यक्ष घनश्याम तिमल्सिनाले बताए । निजगढका बिघालय मुख्य भित्रि सडकमा समेत पर्ने भएकोले सो सडकमा जेब्रा क्रसिङ अनिबार्य भएकोले नगरका सबै बिद्यालयका सडकमा जेब्रा क्रसिङ निर्माण गर्ने अध्यक्ष तिमल्सिनाले बताए ।
बिद्यालय क्षेत्र तथा अन्य क्षेत्रमा स–साना विद्यार्थी समेत बाटो काट्न पर्ने, बृद्धबृद्धाहरुलाई समेत बाटो काट्न सकस देखिको र दुर्घटना समेत हुने देखिएको हुदा दुर्घटनालाई न्यूनीकरण गर्न जेब्रा क्रसिङ निर्माण गरिएको राष्ट्रिय युवा संघ नेपालको केन्द्रिय सदस्य इराज कोइरालाले जानकारी दिए । उनले भने, “साथी भाई, संघसस्था तथा क्लबले समान्य खर्चमा गर्न सकिने यस्ता कार्य जुन फरक छ र हेर्दा समान्य देखिए तापनि ठुलो अर्थ राख्छ यस्ता कार्य सबैले गदै जाने हो भने परिबर्तन र बिकास दुबै हुन्छ भने सोचका साथ यो कार्य गरिएको हो र युवा संघले आगामी दिनमा समेत यस्ता गतिबिधिलाई निरन्तता दिने राष्ट्रिय युवा संघ नेपालको केन्द्रिय सदस्य कोइरालाले जानकारी दिए ।
राष्ट्रिय युवा संघ नेपाल निजगढ नगर कमिटीले श्री शिवशक्तेश्वर आधारभुत बिद्यालय निजगढ–१३ डम्वरपुर, श्री भगवती आधारभुत बिद्यालय निजगढ–१३ भक्तलाल, पेरिक एकडेमिक निजगढ–१३ भक्तलाल, श्री नेपाल राष्ट्रिय माध्यमिक बिद्यालय निजगढ–११ रतनपुर, श्री लोकप्रिय आधारभुत बिद्यालय निजगढ–२ सिंगौल, श्री शिक्षाशक्ति नमुना आधारभुत बिद्यालय निजगढ–१ सिंगौल, श्री जनकल्याण बिद्यालय निजगढ–४ गोलो घर, श्री जन जागृति आधारभुत बिद्यालय निजगढ–५ खोल्माटोल, श्री सार्वजनिक माध्यामिक बिद्यालय निजगढ–५ वाग्देव, श्री बाल बिकाश आधारभुत.बिद्यालय निजगढ–६ धियालटोल, श्री नेत्रोदय माध्यामिक बिद्यालय निजगढ–७ योजनाटोल, अस्थायी प्रहरी पोस्ट सिंगौल निजगढ–२ सिंगौल, श्री शक्तेश्वर शिवशक्ति बिद्यालय निजगढ–७, विध्या सागर बेडिङ्ग स्कुल निजगढ–७, श्री गौरी शंकर माध्यामिक बिद्यालय निजगढ–८ गौरी शंकर टोल, श्री गौरी शंकर माध्यामिक बिद्यालय निजगढ–६ सडकटोल, गौरी शंकर क्याम्पस निजगढ– ९, श्री जनज्योति आधारभुत.बिद्यालय निजगढ–९ लगाएतका स्थानमा जेब्रा क्रसिङ बनाईयको छ ।
जेब्रा क्रसिङ निर्माणले निश्चित स्थानबाट यात्रुहरुलाई बाटो काट्न मदद्त गर्दै दुर्घटनालाई नियन्त्रणमा सहज गराउन मदत पुग्ने व्यवसायी तथा आम जनताको बुझाई छ ।
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com
तपाईको प्रतिक्रिया दिनुहोस