आखिर किन भयो मध्यरातमा समाजवादी र राजपाको पार्टी एकता?

११ बैशाख २०७७, बिहीबार ००:१२

काठमाडौ । संघीय समाजवादी र राष्ट्रिय जनता पार्टी फुटाएर आफ्नो पार्टीमा मिलाउने अभिप्रायले प्रधानमन्त्री केपी शर्मा ओलीले दुई अध्यादेश जारी गरे ।

तर समाजवादी र राष्ट्रिय जनता पार्टीबीच पार्टीले उनै प्रधानमन्त्री ओलीलाई चकित बनाइदिए । मध्यरातमा यी दुई पार्टीबीच एकताको सहमति भयो ।

नयाँ पार्टीको नाम ‘जनता समाजवादी पार्टी’ रहने छ भने झण्डा समाजवादीको आयातकार आकारमा रातो र हरियो रंगको बीचमा तारा हुनेछ । चुनाव चिन्ह राजपाले प्रयोग गर्दै आएको छाता हुनेछ ।

राजपा अध्यक्ष मण्डलका संयोजक शरदसिंह भण्डारीको निवासमा बुधबार साँझ भएको वार्तामा भएको सहमतिमा दुवै पार्टीका चार–चार जना नेताले हस्ताक्षर गरेका छन् ।

पार्टी एकता समानताको आधारमा हुने सहमतिपत्रमा उल्लेख छ । सरकारले सोमबार मात्र पार्टी फुटाउन सहज बनाउने गरी अध्यादेश ल्याएको थियो र समाजवादी पार्टीको एउटा समूह अलग गराउन चाहेको थियो । त्यसलाई रोक्ने प्रयाससँगै दुई दलले एकता वार्तालाई टुंगोमा पुर्‍याएका हुन् ।

स्रोतका अनुसार नेतृत्वको विषय टुंगिएको छैन । तर दुवै पार्टीका नेताहरुले यसमा समस्या नहुने बताएका छन् । अहिले समाजवादीमा संघीय परिषदको अध्यक्ष डा. बाबुराम भट्टराई र अध्यक्ष उपेन्द्र यादव छन् भने राजपामा ६ जना अध्यक्ष मण्डलका सदस्य छन् ।

पार्टी एकताको सहमति पत्रमा समाजवादीबाट डा. बाबुराम भट्टराई, उपेन्द्र यादव, अशोक राई र राजेन्द्र श्रेष्ठले तथा राजपाको तर्फबाट महन्थ ठाकुर, राजेन्द्र महतो, महेन्द्र राय यादव र शरदसिंह भण्डारीले हस्ताक्षर गरेका छन् ।

यस्तो छ पार्टी एकताको सहमति पत्र, तल हेर्नुहोला, नभए यहाँ क्लिक गर्नुहोला ।
आखिर किन भयो मध्यरातमा समाजवादी र राजपाको पार्टी एकता? तपाई के भन्नुहुन्छ ? यो प्रश्न तपाईंहरुलाई ।

Leave a Reply

This site uses Akismet to reduce spam. Learn how your comment data is processed.