फेरी थपिए १० जना कोरोना संक्रमित, १ जनाको मृत्यु

काठमाडौं । नेपालमा थप १० जनामा कोरोना भाइरस संक्रमणको पुष्टि भएको हो । योसँगै संक्रमितको संख्या २९१ पुगेको छ । स्वास्थ्य तथा जनसंख्या मन्त्रालयले आइतबार बिहान ७ः१५ बजे अध्यावधिक गरेको विवरणअनुसार थप १० जनामा नयाँ संक्रमण पुष्टी भएको हो ।

नयाँ पुष्टि हुनेमा रौतहट राजपुर न।पा। फरहदवा–९ निवासी १८, ३२, ३६, ३९, ३९, ४२, ४८ वर्षीय पुरुषहरू र रौतहट इशनाथ न.पा.–३, ५ निवासी २८, ३०, ३३ वर्षीय पुरुषहरू रहेका छन् । राष्ट्रिय जनस्वास्थ्य प्रयोगशाला, काठमाडौँ गरिएको परीणमा उनीहरुमा कोरोना पुष्टि भएको मन्त्रालयले जनाएको छ । नेपालमा अहिलेसम्म ३६ जना निको भैसक्दा एक जनाको कोरोनाका कारण ज्यान गएको छ ।