वीरगंजमा कोरोनामुक्त व्यक्तिमा ‘ब्ल्याक फङ्गस’को संक्रमण पुष्टि

काठमाडौं । कोरोना संक्रमणमुक्त भएकाहरुमा म्युकोर्माइकोसिस अर्थात कालो ढुसीको संक्रमण पुष्टि भएको छ । कोभिड संक्रमण मुक्त भइसकेका वीरगञ्जका तीन जनाको केओएच परीक्षण गर्दा संक्रमण देखिएको हो ।

फङ्गस कल्चर गर्दा दुईजनामा म्युकोमाईकोसिस प्रमाणित भएको वीरगञ्जको मंगलम डाइग्नोष्टिक सेन्टरका सञ्चालक सिनियर कन्सल्टेन्ट प्याथोलोजिष्ट प्रोफेसर डाक्टर अमरनाथ (एएन) ठाकुरले जानकारी दिए । उनका अनुसार दुई जनाको कन्फर्म भइसकेको र एक जनाको कल्चरको रिपोर्ट आउन बाँकी रहेको छ ।

म्युकोर्माइकोसिस दुर्लभ, तर खतरनाक फंगल संक्रमण हो । यो पछिल्लो समय कोरोना संक्रमितमा देखा परिरहेको छ । यसले संक्रमितको नाक, आँखा वा दिमागमा असर गर्न सक्छ । फोक्सोमा पनि फैलन सक्ने चिकित्सकहरु बताउँछन् ।