प्रतिनिधिसभा विघटन गर्ने दुरासय राखेर राष्ट्रपतिले सरकार बनाउनुभएन : बरिष्ठ अधिवक्ता यादभ

काठमाडौं । बरिष्ठ अधिवक्ता महादेव यादभले प्रतिनिधिसभा विघटन गर्ने दुरासय राखेर राष्ट्रपतिले सरकार नबनाएको बताएका छन् । काँग्रेस सभापति शेर बहादुर देउवाको बहुमत हुँदाहुँदै राष्ट्रपति विद्यादेवी भण्डारीले सरकार निर्माण नगरेको उनको आरोप छ ।

राष्टपतिले केपी ओली बाहेकको नेतृत्वमा सरकार बनाउन नचाहेको र देउवाको पक्षमा बहुमत भएपछि प्रतिनिधिसभा विघटन गर्ने दुरासय राखेर देउवाको बहुमत हुँदाहुँदै पनि सरकार गठन नगरेको उनको दावी छ ।

प्रतिनिधिसभा विघटनविरुद्ध शेरबहादुर देउवासहित १ सय ४६ सांसदको निवेदनको पक्षमा सर्वोच्च अदालतको संवैधानिक इजलासमा बुधबार बहस गर्दै वरिष्ठ अधिवक्ता यादवले बहुमत सदस्यले हस्ताक्षर दिएपछि राष्ट्रपतिले सरकार गठनको निर्णय लिनुपर्नेमा त्यसो नगरी दुराशय राखेको यादवको भनाइ राखे ।

उनले ती हस्ताक्षरबारे प्रतिनिधिसभामै निर्णय हुनुपर्ने तर्क राखेका थिए । राष्ट्रपति भण्डारीले प्रतिनिधिसभाका १ सय ४९ सांसदको हस्ताक्षर हुँदा पनि सरकार गठन नगरेको वरिष्ठ अधिवक्ता यादवको भनाइ थियो । उनले प्रतिनिधिसभा विघटनका लागि नै यस्तो गरिएको तर्क गरेका हुन् ।