सल्यान । सल्यानमा धमाधम रोपाइँ शुरु भइरहेका बेला रासायनिक मलको अभाव हुँदा किसान चिन्तित हुन थालेका छन् ।
धान र मकैमा मल हाल्ने बेला हँुदासमेत माग अनुसारको रासायनिक मल नपाउँदा समस्या भएको छत्रेश्वरी गाउपालिका–६ का किसान हेर्मलाल बोहराले बताउनुभयो ।
अहिले चार पाँच जना किसानले एकबोरा मल बाँडेर लिनुपर्ने बाध्यता रहेको किसानले बताएका छन् । शारदा नगरपालिका–४ साहुटोलमा रहेको सुनखानी कृषि सहकारीका वयवस्थापक यगेन्द्रबहादुर बस्नेतले मल नपाउदा किसानहरु निराश भएर फर्किनुपर्ने बाध्यता रहेको बताउनुभयो ।
जिल्लाभर करिब ४० हजार बोरा मलको आवश्यकता छ तर जिल्लामा मलको कम आपुर्ति हुँदा समस्या भएको साल्ट टे«डिङ कर्पोरेसन लिमिटेड सल्यान शाखाले जनाएको छ । चालु आर्थिक वर्षका लागि सल्यानमा ६९ हजार ४ सय बोरा मलको कोटा हो ।
यसबीचमा त्यसको आधाभन्दा पनि कम मात्रै मल जिल्लामा उपलव्ध भएको साल्ट टे«डिङ कर्पोरेसन लिमिटेड सल्यानका प्रमुख प्रविनजङ्ग शाहले जानकारी दिनुभयो ।
जिल्लाभर ७ हजार ७८ हेक्टर क्षेत्रफलमा धान खेती हुदै आएको छ भने १९ हजार हेक्टर बढी क्षेत्रफलमा मकै खेती हुदैँ आएको छ ।
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com
तपाईको प्रतिक्रिया दिनुहोस