धेरै भएछ प्रेमका कविता नकोरेको

उनको यादमा 

झरीमा उनका केशबाट तपतप झरेको पानी

जसरी पग्लिँदा मैनको थोपाथोपा झर्छ

जसरी झर्छ निधारबाट पसिना

जसरी झर्छ मोतिदानाझैँ शीतको थोपा उनको प्रेममा,

उनको यादमा उसरी नै  झर्छ एक–एक सम्झना

र पोखिन्छ साँझमा जुन पोखिएजस्तै

वा भनौँ बिहानमा घाम पोखिएजस्तै आँगनमा ।

कस्तो तरंग हो  मायाको तालमा उठ्छ

र त्यसैले खियाउँदै लान्छ मझधारमा

माझीविहीन हुन्छ यो मन–

कहाँकहाँ पुग्छ

घरि फूलहरूको पराग बटुल्छ

र आफैंभित्र मह बनाउँछ

घरि सागरमा डुबुल्की मार्छ 

घरि  माछापुच्छ्रेमा यादको भारी बोकेर चढ्छ

घरि सूर्यको प्रकाशझैं बेगले कुद्छ

घरि लहराझैं चढ्दै जान्छ माथिमाथि ।

धेरै भएछ प्रेमका कविता नकोरेको उनको यादमा ।

Read more at: https://samachardainik.com/news-details/34065/2019-11-23?fbclid=IwAR1YsCLM3wNCeKC-AUOxSk4fG87U_n6-UrTcQHdPXsx_DJXM4DR53oRlNmA

समय-समाचार

Please send us your feedback or any articles if your passion is in writing and want to publish your ideas/thoughts/stories . Our email address is sendyourarticle@samayasamachar.com. If we find your articles publishable, we will publish them. It can be any opinionated articles, or stories, or poems, or book reviews.
हामीलाई तपाईहरुको सल्लाह र सुझाब दिनुहोला जसले गर्दा हामीले यो पत्रकारिता, लेखन र साहित्यको क्षेत्रमा अझ राम्रो गर्न सकौ। यहाँहरुका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरु हामी छाप्ने छौ । सम्पर्क इमेल : sendyourarticle@samayasamachar.com