सोमबार थपिए ३ हजार ७९० नयाँ संक्रमित, सक्रिय संक्रमितको संख्या ४० हजार नाघ्यो

समय-समाचार सोमबार, २०७७ कात्तिक ३ गते, १७:३८ मा प्रकाशित

काठमाडाैं, कात्तिक ३ । नेपालमा कोंरोना भाइरसका संक्रमित १ लाख ३६ हजार कटेका छन् ।

सोमबार थप ३ हजार ७९० जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । १५ हजार ७१४ पीसीआर परीक्षण गर्दा ३ हजार ७९० जना थपिएका हुन् ।

यसँगै हालसम्म कुल संक्रमितको संख्या १ दाख ३६ हजार ४६ पुगेको हो ।

मन्त्रालयका प्रवक्ता प्राडा जागेश्वर गौतमका अनुसार सोमबार सक्रिय संक्रमितको संख्या ४० हजार ७७८ पुगेको छ ।

जसमध्ये संस्थागत आइसोलेसनमा १३ हजार ८५१ जना रहेका छन् । यस्तै होम आइसोलेसनमा २६ हजार ९२७ जना बसेका छन् ।

पछिल्लो २४ घण्टामा देशभरबाट २ हजार ३३५ जना संक्रमित संक्रमण मुक्त भएका छन् । हालसम्म संक्रमण मुक्त हुनेको संख्या ९४ हजार ५०१ पुगेको छ । यो कुल संक्रमण दरको ६९. ५ प्रतिशत हो ।

Please send us your feedback or any articles if your passion is in writing and you want to publish your ideas/thoughts/stories . Our email address is sendyourarticle@samayasamachar.com. If we find your articles publishable, we will publish them. It can be any opinionated articles, or stories, or poems, or book reviews.

हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com