चलचित्र ‘बाबरी क्याफे’को छायांकन सोमबारबाट सुरु

काठमाडौं । चलचित्र ‘बाबरी क्याफे’को छायांकन सोमबारबाट सुरु भएको छ । पूर्वको लेटाङबाट चलचित्रको छायांकन सुरु गरिएको निर्माणपक्षले जनाएको छ ।

चलचित्र ‘बाबरी क्याफे’मा नायिका अदिती वुढाथोकी र नायक धिरज मगरको मुख्य भूमिका रहेको छ । चलचित्रको शुभसाइत गर्र्दै छायांकन सुरु गरिएको निर्माणपक्षले बताएको छ ।

बाबरी फिल्मस्को प्रस्तुतिमा तयार हुन लागेको यो चलचित्रको छायांकन लेटाङ, बुधबारे र सिक्किममा हुनेछ । चलचित्रलाई सुरेन्द्र पौडेलले निर्देशन गर्दैछन् । चलचित्रमा धिरज र अदितीको साथमा धिरज टोटलानी, तृत्ती नाडकर लगायतका कलाकारको मुख्य भूमिका रहनेछ ।

त्रिकोणात्मक प्रेमकथामा निर्माण हुन लागेको यो चलचित्रको छायांकन गतबर्षनै गर्ने तयारीमा रहेपनि कोरोनाका कारण लामो समय लकडाउन भएपछि चलचित्रको काम सुरु हुन सकेको थिएन ।